Photos: ‘सह्याद्रीचं सुख हे…’; आकाश ठोसरची राजगड स्वारी सोशल मीडियावर चर्चेत

'सैराट' या चित्रपटातून घराघरात पोहोचलेला अभिनेता आकाश ठोसर सध्या सोशल मीडियावर चर्चेत आहे. आकाश ठोसरने नुकतीच पुण्यातील राजगड किल्ल्याला भेट दिली. "सह्याद्रीचं सुख हे शब्दांत मांडता येत नाही, तर ते प्रत्यक्षात अनुभवावच लागतं." असं कॅप्शन देत आकाशने हे फोटो सोशल मीडियावर शेअर केले आहेत. राजगड! छत्रपती शिवाजी महाराजांची पहिली राजधानी. पद्मावती, सुवेळा आणि संजीवनी या तीन अभेद्य माच्या आणि मधोमध कातळ पर्वतावर बालेकिल्ला अशी या गडाची रचना. राजगड हा अतिशय उंच आहे. त्याची उंची पाहता तो सर्व किल्ल्यांत श्रेष्ठ आहे. राजगडचा घेर बारा कोसांचा आहे. त्याच्या मजबुतीची आणि उंचीची कल्पनाही करवत नाही. "गडांचा राजा, राजियांचा गड - किल्ले राजगड" असं कॅप्शन आकाशने या फोटोला दिले आहे. राजगडाचे रूप कायम चिरतरुण, लोभस असे. कुठल्याही ऋतूत पाहावे असे. (सर्व फोटो सौजन्य : आकाश ठोसर / इन्स्टाग्राम)