“करवटें बदलते रहें सारी रात, कोणामुळे ते विचारु नका…”; प्राजक्ता माळीची हटके पोस्ट चर्चेत

मराठमोळी अभिनेत्री प्राजक्ता माळी ही लोकप्रिय अभिनेत्रींपैकी एक आहे. प्राजक्ताने आतापर्यंत अनेक मालिकांमध्ये काम केले आहे. प्राजक्ता ही ‘जुळून येती रेशीमगाठी’, ‘नकटीच्या लग्नाला यायचं हं’ यांसारख्या प्रसिद्ध मालिकेतून घराघरात पोहोचली. प्राजक्ताने अभिनयाच्या जोरावर प्रत्येक प्रेक्षकाच्या मनात एक वेगळे स्थान निर्माण केलं आहे. सध्या प्राजक्ता ही महाराष्ट्राची हास्यजत्रा या कार्यक्रमाचं सूत्रसंचालन करताना दिसते. प्राजक्ता ही सोशल मीडियावर कायमच सक्रिय असते. ती नेहमी तिचे विविध फोटो आणि व्हिडीओ शेअर करत चाहत्यांच्या संपर्कात राहते. नुकतेच प्राजक्ताने तिच्या नव्या फोटोशूटचे काही फोटो सोशल मीडियावर शेअर केले आहेत. सध्या या फोटोंची सर्वत्र चर्चा रंगली आहे. प्राजक्ताने शेअर केलेल्या या फोटोत तिने एक छान रंगेबेरंगी साडी परिधान केली आहे. त्यासोबत तिने छान ज्वेलरीही घातली आहे. प्राजक्ताने शेअर केलेले हे फोटो महाराष्ट्राची हास्यजत्रा या सेटवरचे असल्याचे दिसत आहे. या फोटोंना तिने दिलेले कॅप्शन चर्चेचा विषय ठरत आहे. "करवटें बदलते रहें सारी रात हम…आप की क़सम… (कोणामुळे ते विचारू नका…सच हम कह ना सकेंगे और झूठ हम आपसे कहना नहीं चाहते….)", असे ती या फोटोला कॅप्शन देताना म्हणाली. प्राजक्ताचे हे फोटो नेटकऱ्यांना प्रचंड आवडले आहेत. अनेकजण त्यावर लाइक्स आणि कमेंट करताना दिसत आहेत.