Photos : ‘KGF 2’ रॉकिंग स्टार यशचा पत्नीसोबत रोमँटिक अंदाज; फोटो सोशल मीडियावर चर्चेत

रॉकिंग स्टार यश मुख्य भूमिकेत असलेल्या 'केजीएफ २' या चित्रपटाने प्रदर्शित होताच बॉक्स ऑफिसवरील अनेक रेकॉर्ड्स मोडले. 'केजीएफ २' हा चित्रपट बॉक्स ऑफिसवर धुमाकूळ घालतोय. 'केजीएफ २'ला प्रेक्षकांकडून भरभरून प्रेम मिळत आहे. 'केजीएफ २'चा ट्रेलर प्रदर्शित झाल्यापासूनच चित्रपटाबद्दल चाहत्यांमध्ये प्रचंड उत्सुकता होती. 'केजीएफ' चित्रपटाचा हा सिक्वेल आहे. 'केजीएफ २' चित्रपटात यशने साकारलेल्या रॉकी भाईची क्रेझ अजूनही कायम आहे. 'केजीएफ २' चित्रपटाच्या यशानंतर सक्सेस पार्टी आयोजित करण्यात आली होती. या पार्टीदरम्यानचे काही फोटो सोशल मीडियावर तुफान व्हायरल होत आहेत. 'केजीएफ २'च्या सक्सेस पार्टीदरम्यान यश पत्नी राधिकासोबत रोमँटिक अंदाजात दिसला. याचे फोटो यशचा पत्नी राधिकाने इन्स्टाग्राम अकाऊंटवरून शेअर केले आहेत. यश आणि राधिकाच्या फोटोवर चाहत्यांकडून लाइक्स आणि कमेंट्सचा वर्षाव होतो आहे. यशची पत्नी राधिका पंडित देखील एक अभिनेत्री आहे. यश आणि राधिका २०१६ साली विवाहबंधनात अडकले. या दोघांना आयरा आणि याथर्व ही दोन मुले आहेत. यश आपल्या कुटुंबासोबतचे खास क्षण सोशल मीडियावरून शेअर करत असतो. यश पत्नी राधिका आणि मुलांसोबत. दाक्षिणात्य चित्रपटसृष्टीतील आघाडीच्या अभिनेत्यांपैकी यश एक आहे. यशने २००८ साली ‘मोगीना मनसु’या चित्रपटातून दाक्षिणात्य चित्रपटसृष्टीत पदार्पण केले. केजीएफ चित्रपटाने यशला एक नवीन ओळख मिळवून दिली. रॉकिंग स्टार यश सोशल मीडियावरून चाहत्यांच्या संपर्कात राहण्याचा प्रयत्न करतो. (सर्व फोटो : यश, राधिका पंडित/ इन्स्टाग्राम)