Birthday Special : लक्झरियस आयुष्य जगणारी अनुष्का आहे करोडोंची मालकीण; एका चित्रपटासाठी घेते ‘इतके’ कोटी

बॉलिवूड अभिनेत्री अनुष्का शर्माचा आज वाढदिवस आहे. अनुष्काने अभिनयाच्या जोरावर अल्पावधीतच चित्रपटसृष्टीत स्वतःचं वेगळं स्थान निर्माण केलं. ‘रब ने बना दी जोड़ी’ या चित्रपटातून अनुष्काने २००८ साली बॉलिवूडमध्ये पदार्पण केलं. या चित्रपटात बॉलिवूडचा किंग शाहरुख खानसोबत अनुष्का मुख्य भूमिकेत होती. अनुष्काने ‘बैंड बाजा बारात’, ‘सुल्तान’, ‘पीके’ या चित्रपटातून अभिनयाने चाहत्यांचं लक्ष वेधून घेतलं. बॉलिवूडमध्ये नाव आणि स्थान निर्माण करण्यासाठी अनुष्काला सुरुवातीच्या काळात खूप संघर्ष करावा लागला. १ मे १९८८ रोजी अनुष्काचा जन्म झाला. अनुष्काचा भाऊ कर्णेश शर्मा हा चित्रपट निर्माता आहे. अनुष्का आणि तिचा भाऊ कर्णेश यांची 'क्लेन स्लेट' ही निर्मिती कंपनी आहे. २०१७ मध्ये भारताचा स्टार क्रिकेटर विराट कोहलीसोबत अनुष्का विवाहबंधनात अडकली. या दोघांना 'वामिका' ही मुलगी आहे. अनुष्का शर्मा ही बॉलिवूडमधील आघाडीच्या अभिनेत्रींपैकी एक आहे. अभिनय आणि सौंदर्याने चाहत्यांना भूरळ पाडणारी अनुष्का लक्झरियस आयुष्य जगते. दिल्ली आणि मुंबईत अनुष्काचे स्वतःच्या मालकीचे फ्लॅट आहे. अनुष्का रेंज रोवर, बीएमडब्ल्यू अशा महागड्या गाड्यांमधून फिरते. अनुष्का एका चित्रपटासाठी ७ ते १० कोटी रुपये इतके मानधन घेते. तर जाहिरातींसाठी अनुष्का १०-१२ लाख रुपये मानधन घेत असल्याची माहिती आहे. मीडिया रिपोर्टनुसार, अनुष्का शर्माकडे सुमारे ३०० कोटींची संपत्ती आहे. तर अनुष्का आणि विराट म्हणजे विरुष्काची एकूण संपत्ती १२ अब्ज इतकी असल्याची माहिती आहे. अनुष्का शर्मा 'चकदा एक्सप्रेस' या चित्रपटातून लवकरच प्रेक्षकांच्या भेटीला येणार आहे. या चित्रपटात अनुष्का भारतीय महिला क्रिकेट संघाच्या कर्णधार राहिलेल्या क्रिकेटर झूलन गोस्वामी यांची भूमिका साकारणार आहे. (सर्व फोटो : अनुष्का शर्मा / इन्स्टाग्राम)