‘सुख म्हणजे नक्की काय असतं’ मधून मिनाक्षी राठोड घेणार ब्रेक, नवीन ‘देवकी’बद्दल ‘या’ गोष्टी माहितीये का?

‘सुखं म्हणजे नक्की काय असतं!’ या मालिकेत देवकीची भूमिका साकारणारी अभिनेत्री मिनाक्षी राठोड ही गेल्या काही दिवसांपासून सातत्याने चर्चेत आहे. अभिनेत्री मिनाक्षी राठोड ही लवकरच आई होणार आहे. काही दिवसांपूर्वी सोशल मीडियावर पोस्ट शेअर करत तिने चाहत्यांना ही गुडन्यूज दिली होती. मिनाक्षी ही प्रेग्नेंट असतानाही या मालिकेत काम करत होती. मात्र आता तिने या मालिकेतून ब्रेक घेण्याचा निर्णय घेतला आहे. त्यानंतर आता तिची भूमिका कोण साकारणार असा प्रश्न निर्माण झाला होता. पण आता या मालिकेतील देवकीची भूमिका अभिनेत्री भक्ती रत्नपारखी साकारणार आहे. भक्तीने झी मराठीवरील अग्गबाई सासूबाई या मालिकेत मॅडीची भूमिका साकारली होती. याच भूमिकेमुळे ती खरी प्रसिद्धीझोतात आली. भक्तीने साकारलेले हे पात्र थोडे विनोदी स्वभावाचे आणि भोळसट होते. उत्कृष्ट अभिनयामुळे तिचे हे पात्र घराघरात प्रसिद्ध झाले होते. या मालिकेशिवाय भक्ती रत्नपारखीनं उंबरठा, देऊळ, ओह माय गॉड अशा हिंदी अशा चित्रपटात काम केले आहे. विनोदी अभिनेते निखिल रत्नपारखी यांच्यासोबत ती विवाहबद्ध झाली आहे. दरम्यान या मालिकेतील देवकी ही भूमिका नकारात्मक नसली तरी सोशल मीडियावर तिची चांगलीच चर्चेत आहे. ही मालिका सोडल्यानंतर याचा मालिकेवर काय परिणाम होणार का? भक्ती रत्नपारखी या भूमिकेस कसा न्याय देणार? हे पाहणे औत्सुक्याचे ठरणार आहे.