Photos : ग्लेन मॅक्सवेलच्या लग्नासाठी फाफ डु प्लेसिसच्या पत्नीला अनुष्काने दिली साडी? फोटो व्हायरल

अनुष्का शर्माने पती विराट कोहलीसह क्रिकेटपटु ग्लेन मॅक्सवेल आणि विनी रमनच्या लग्नाला हजेरी लावली होती. यादरम्यानचे फोटो सोशल मीडियावर व्हायरल झाले होते. या लग्नाला अनुष्काबरोबरच क्रिकेटपटु फाफ डु प्लेसिस आणि त्याची पत्नी इमारी देखील आली होती. या विवाहसोहळ्याला तिने हिरव्या रंगाची सुंदर साडी परिधान केली होती. इमारीने परिधान केलेली साडी अनुष्काने एका कार्यक्रमात परिधान केलेल्या साडी सारखीच होती. त्यामुळे अनुष्काने तिला आपली साडी दिली की काय अशा चर्चा रंगू लागल्या. इमारीला हिरव्या रंगाच्या साडीमध्ये पाहून अनुष्काने २०१८मध्ये एका कार्यक्रमात हिच साडी परिधान केली अशी कमेंट युजर्सने केली. तर काहींनी ही साडी तुला कुठून मिळाली? असं देखील इमारीला विचारलं. इमारीने तिच्या अधिकृत सोशल मीडिया अकाऊंटवरून देखील या लग्नादरम्यानचे काही फोटो शेअर केले होते. तिच्या या फोटोला अनुष्काने पसंती दर्शवली होती. इमारीने तिच्या पती आणि मुलांसह लग्नाला हजेरी लावली होती. यावेळी ती हिरव्या रंगाच्या साडीमध्ये खुलून दिसत होती. त्याचबरोबरीने फाफने गुलाबी रंगाचा कुर्ता परिधान केला होता. तसेच फाफइमारीच्या मुलांनी देखील गुलाबी रंगाचे ड्रेस परिधान केले होते. अनुष्का लग्नानंतर तिच्या संसारामध्ये चांगलीच रमली आहे. पतीसह मुलगी वामिकाबरोबर ती अधिकाधिक वेळ घालवते. आई झाल्यानंतर पहिल्यांदाच अनुष्का एक नवा चित्रपट घेऊन प्रेक्षकांच्या भेटीला येणार आहे. क्रिकेटपटु झुलन गोस्वामी यांच्या जीवनावर आधारित 'चकदा एक्सप्रेस हा चित्रपट ती करत आहे. (फोटो - सगळे फोटो इन्स्टाग्राम)