Photos : बोल्ड सीन्स देऊनही ‘या’ अभिनेत्री ठरल्या सुपरफ्लॉप; एक तर आहे क्रिकेटरची पत्नी

सध्या कलाविश्वात वेब सीरिज, सिनेमातील बोल्ड सीन्सची जबरदस्त चर्चा होताना दिसतेय. आव्हानात्मक भूमिका आणि कामाचा एक भाग म्हणून अनेक अभिनेत्री वेब सीरिजमध्ये बोल्ड सीन्स देताना दिसत आहेत. यापूर्वीही अनेकदा सिनेमातील बोल्ड सीन्सवर चर्चा रंगलेल्या पाहायला मिळाल्या आहेत. बॉलिवूडमधील अनेक अभिनेत्री सिनेमात बोल्ड सीन्स दिल्यामुळेच ओळखल्या जाऊ लागल्या. चित्रपटातील आयटम सॉंग आणि बोल्ड सीन्समुळे अनेक अभिनेत्री रातोरात प्रसिद्धीझोतात आल्या. परंतु असं असलं तरीही त्यांना कलाविश्वात फारशी चांगली कामगिरी करता आली नाही. सिनेमात बोल्ड सीन्स देऊनही सुपरफ्लॉप ठरलेल्या बॉलिवूड अभिनेत्रींबद्दल जाणून घेऊया. मलिका शेरावत : बोल्ड सीन्सचा भडिमार असलेल्या 'मर्डर' या चित्रपटातून अभिनेत्री मलिका शेरावतने बॉलिवूडमध्ये पदार्पण केलं होतं. या चित्रपटातील तिच्या बोल्डनेसची खूप चर्चा रंगली होती. यानंतरही मलिकाने अनेक चित्रपटांत बोल्डनेसचा तडका लावला. परंतु तरीदेखील तिला बॉलिवूडमध्ये फार चांगली कामगिरी करता आली नाही. उदिता गोस्वामी : 'जहर', 'अकसर' सारख्या चित्रपटांतून बोल्ड अदांनी चाहत्यांना घायाळ करणारी अभिनेत्री म्हणजे उदिता गोस्वामी. बोल्ड सीन्समुळे रातोरात प्रसिद्धीझोतात आलेल्या उदिताचं बॉलिवूड करिअर फ्लॉप ठरलं. तनुश्री दत्ता : 'आशिक बनाया आपने' या चित्रपटामुळे अभिनेत्री तनुश्री दत्ता स्टार झाली होती. चित्रपटातील अभिनेता इमरान हाशमीसोबतच्या बोल्ड सीन्सची खूप चर्चा रंगली होती. असं असताना देखील तनुश्रीने बॉलिवूडला रामराम ठोकल्यामुळे तिच्या करिअरला ब्रेक लागला. कोइना मित्रा : आयटम सॉंग आणि बोल्डनेसमुळे चर्चेत आलेली अभिनेत्री म्हणजे कोइना मित्रा. तिचं 'साकी साकी' हे आयटम सॉंग प्रचंड गाजलं होतं. परंतु, नंतर ती कोणत्याच चित्रपटात दिसली नाही. शार्लिन चोप्रा : 'टाइमपास', 'रेड स्वास्तिक' चित्रपटातील बोल्ड सीन्समुळे रातोरात स्टार झालेली अभिनेत्री म्हणजे शार्लिन चोप्रा. शार्लिनचं बॉलिवूड करिअर फ्लॉप ठरलं. मेघना नायडू : हवस या चित्रपटात बोल्ड सीन्स दिल्यामुळे मेघना नायडू बोल्ड अभिनेत्री म्हणून ओळखली जाऊ लागली होती. परंतु, अचानक ती बॉलिवूडमधून दिसेनाशी झाली. गीता बसारा : 'द ट्रेन' चित्रपटात बोल्ड सीन्स दिल्यामुळे मॉडेल आणि अभिनेत्री गीता बसारा चर्चेत आली होती. परंतु, बॉलिवूडमध्ये गीता काही खास कामगिरी करू शकली नाही. क्रिकेटर हरभजन सिंहसोबत लग्न केल्यानंतर ती बॉलिवूडपासून दूर गेली. (सर्व फोटो : इंडियन एक्सप्रेस)