maharashtrachi hasyajatra fame marathi actrees Esha Dey to be played role in ashram 3 web series photos | Photos : 'महाराष्ट्राची हास्यजत्रा' शोमधील अभिनेत्री झळकणार 'आश्रम ३' वेब सीरिजमध्ये; पोस्टमुळे चर्चेला उधाण

छोट्या पडद्यावरील सगळ्यांना खळखळून हसायला लावणारा शो म्हणजे 'महाराष्ट्राची हास्यजत्रा'. हास्यजत्रेतील कलाकार विनोद आणि अभिनयाने प्रेक्षकांना पोट धरून हसायला भाग पाडतात. या शोमुळे हास्यरसिकांना विनोदाची मेजवानी तर मिळतेच पण त्यासोबतच टेन्शनपासून काही वेळ मुक्ती देखील मिळते. 'महाराष्ट्राची हास्यजत्रा'तील कलाकारांवरही प्रेक्षक भरभरून प्रेम करतात. अनेक नवख्या कलाकरांना आपलं अभिनय कौशल्य दाखवण्याची संधी हास्यजत्रेतून मिळाली आहे. मग तो फिल्टर पाड्याचा बच्चन गौरव मोरे असो अथवा शिवाली परब. 'महाराष्ट्राची हास्यजत्रा' कार्यक्रमातून अनेक नवे चेहरे प्रेक्षकांचं मनोरंजन करताना दिसत आहेत. यातीलच एक चेहरा म्हणजे अभिनेत्री ईशा डे. ईशा आपल्या विनोदी अभिनय कौशल्याने हास्यरसिकांचे मनोरंजन करत आहे. लवकरच ईशा 'आश्रम ३' या वेब सीरिजमध्ये झळकणार आहे. याबाबत तिने सोशल मीडियावर पोस्ट शेअर करत माहिती दिली आहे. 'आश्रम ३' वेब सीरिज शूटिंग दरम्यानचे अनेक फोटो ईशाने इन्स्टाग्राम अकाऊंटवरून शेअर केले आहेत. आश्रममधील कवितासोबत ईशा. हास्यजत्रेतून प्रेक्षकांचे मनोरंजन करणारी ईशा 'आश्रम ३'मध्ये बॉबी देओलसोबत काम करताना दिसणार आहे. 'आश्रम ३' या वेब सीरिजमध्ये ईशाला बघण्यासाठी प्रेक्षक आतुर आहेत. ईशाच्या पोस्टवर चाहते आणि कलाकारांनी कमेंट करत शुभेच्छा दिल्या आहेत. ईशाने लंडनमधून अभिनयाचे शिक्षण घेतले आहे. अभिनयाप्रमाणेच ईशाला नृत्याची देखील आवड आहे. ईशाने छोट्या पडद्या पडद्यावरील अनेक मालिकांमध्ये काम केलं आहे. दिग्दर्शक केदार शिंदे यांच्या 'सुखी माणसाचा सदरा' या मालिकेत ईशा महत्त्वपूर्ण भूमिकेत होती. 'चूक भूल द्यावी घ्यावी' मालिकेत ईशा अभिनेता प्रियदर्शन जाधव सोबत स्क्रिन शेअर करताना दिसली होती. भाडिपाच्या वेब सीरिजमध्येही ईशाने काम केलेलं आहे. यासोबतच ईशा कास्टिंग दिग्दर्शक देखील आहे. (सर्व फोटो : ईशा डे/ इन्स्टाग्राम)