Singer KK Networth: एका परफॉर्मन्ससाठी केके घ्यायचा इतकी रक्कम, जाणून घ्या एकूण संपत्तीविषयी

प्रसिद्ध पार्श्वगायक आणि स्टेज परफॉर्मर केके यांचे मंगळवारी आकस्मिक निधन झाले. कोलकात्यामध्ये लाइव्ह कॉन्सर्टदरमध्ये अस्वस्थ वाटू लागल्यानंतर त्यांना हृदयविकाराचा झटका आला. आपल्या आवाजाची जादू उधळणारे गायक केके यांच्या अचानक जाण्याने सर्वांनाच धक्का बसला आहे. केकेच्या चाहत्यांपासून ते संगीत जगतातील मोठ्या सेलिब्रिटींपर्यंत,अनेकांना दु:ख झाले आहे. केके त्याच्या अल्बम आणि स्टेज शोमधून लाखोंची कमाई करत असे? या प्रसिद्ध गायकाने आपल्या कुटुंबासाठी किती संपत्ती कमावली होती. ते पाहुयात..... केके यांचे मूळ नाव कृष्णकुमार कुन्नथ होते, परंतु ते रंगमंच्यावर 'केके' या नावाने प्रसिद्ध झाले. त्यांचा जन्म दिल्लीत एका मल्याळी कुटुंबात झाला. त्याचे शिक्षणही दिल्लीतूनच झाले. लहानपणापासूनच संगीताची आवड असलेल्या केके यांनी त्यात कोणतेही औपचारिक प्रशिक्षण घेतले नाही. त्यानंतर त्यांनी आपल्या प्रतिभेच्या जोरावर त्याने केवळ बॉलीवूडमध्ये स्वतःची ओळख निर्माण केली नाही तर इतर भाषांमध्येही गाणी गायली. जिंगल्स गाऊन आपल्या सिंगिंग करिअरची सुरुवात करणाऱ्या केकेला एआर रहमानने चित्रपटांमध्ये गाण्यासाठी ब्रेक दिला होता. लवकरच गायन क्षेत्रात ते एक प्रसिद्ध नाव बनले. त्यामुळे त्याच्या कमाईवरही परिणाम झाला. सेलिब्रिटींच्या कमाई आणि संपत्तीचा मागोवा घेणाऱ्या सेलेबवर्थ या वेबसाइटनुसार केके रोज लाखोंमध्ये कमाई करत असे. वेबसाइटनुसार, KK ची एकूण संपत्ती ६२.०६ कोटी रुपये होती. तसेच रॉयल्टी आणि स्टेज शो इत्यादींमधून कृष्णकुमार कुन्नथ हे वर्षाला सुमारे २,१२,५५७. १६ रुपये कमवत असे. (all photo: kk_live_now/ instagram)