कोण आहे सोनाक्षीचा बॉयफ्रेंड जहीर इक्बाल? तिच्या आधी 'या' दोन अभिनेत्रींसोबत होता रिलेशनशिपमध्ये | who is zaheer iqbal sonakshi sinhas rumoured boyfriend

बॉलिवूड अभिनेत्री सोनक्षी सिन्हा आणि अभिनेता जहीर इक्बाल मागच्या काही काळापासून सातत्याने चर्चेत आहे. सोनाक्षी आणि जहीर रिलेशनशिपमध्ये असल्याच्या चर्चा सोशल मीडियावर बऱ्याच काळापासून होताना दिसत आहेत. मात्र दोघांनीही यावर कोणतीही प्रतिक्रिया देणं टाळलं होतं. आता सोनाक्षी सिन्हा आणि इक्बाल जहीर यांच्या नात्याचा अखेर खुलासा झाला आहे. इक्बालनं सोशल मीडियावर सोनाक्षीला ‘आय लव्ह यू’ म्हणत रिलेशनशिपच्या चर्चांना पुष्टी दिली आहे. जहीर इक्बालनं त्याच्या इस्टाग्रामवर एक पोस्ट शेअर केली होती ज्याच्या कॅप्शनमध्ये त्यानं सोनाक्षीवर प्रेम करत असल्याचं मान्य केलंय. जहीर इकबालचा जन्म १० डिसेंबर १९८८ ला मुंबईत श्रीमंत कुटुंबात झाला आहे. जहीरच्या कुटुंबाचा दागिन्यांचा व्यापार आहे. चित्रपटसृष्टीचा आणि जहीरच्या कुटुंबाचा तसा फारसा संबंध नाही. पण सलमान खान आणि जहीरचे वडील इकबाल रत्नासी हे लहानपणापासूनचे मित्र आहेत. त्यामुळे बॉलीवूडशी त्याच एक खास नात आहे असं म्हणायला हरकत नाही. सलमान बहिण अर्पिताच्या लग्नात जहीरला भेटला. सलमानला त्याच्यात अभिनेत्याचे गुण दिसले आणि त्याने जहीरला 'नोटबूक' चित्रपटातून लॉन्च केलं. या चित्रपटात, झहीर दिवंगत दिग्गज अभिनेत्री नूतनची नात प्रनूतन बहल हिच्यासोबत दिसला होता. झहीरची बहीण सनम रतनसी बॉलिवूडमधील सेलिब्रिटी स्टायलिस्ट आहे. सोनाक्षी सिन्हा आणि जहीर इक्बाल लवकरच ‘डबल एक्सएल’ या चित्रपटात एकत्र दिसणार आहेत. पण तुम्हाला माहित आहे का झहीर सोनाक्षीसोबत रिलेशनशिपमध्ये येण्याआधी दाक्षिणात्य अभिनेत्री दीक्षा सेठ आणि बॉलिवूड अभिनेत्री सना सईदसोबत रिलेशनशिपमध्ये असल्याचे म्हटले जाते. आता ते दोघं लवकरच लग्नबंधनात अडणार अशा चर्चा चाहत्यांमध्ये सुरु आहेत. (All Photo Credit : Zaheer Iqbal Instagram)