Photos : महिमा चौधरी ते संजय दत्त…’या’ बॉलिवूड सेलिब्रिटींनी कर्करोगावर केली यशस्वीपणे मात

बॉलिवूड अभिनेत्री महिमा चौधरीने तिच्या स्तनाच्या कर्करोगाबद्दल नुकताच खुलासा केला आहे. एका व्हिडीओद्वारे महिमाने स्तनाच्या कर्करोगाबद्दलची माहिती दिली आहे. सुदैवाने निदान होण्याआधीच कर्करोगावर उपचार झाल्यामुळे महिमा आनंदी आहे. महिमा चौधरीप्रमाणेच अनेक बॉलिवूड सेलिब्रिटींनी कर्करोगावर यशस्वीपणे मात केली आहे. ९० च्या दशकात आपल्या अभिनयाने चाहत्यांना भूरळ घालणाऱ्या बॉलिवूड अभिनेत्री सोनाली बेंद्रेला २०१८ मध्ये कर्करोगाचे निदान झाले होते. सोनालीने कर्करोगावर उपचार घेऊन यशस्वीपणे मात केली. बॉलिवूड अभिनेत्री मनिषा कोयराला सुद्धा २०१२ मध्ये कॅन्सरचे निदान झाले होते. न्यूयॉर्कमध्ये जवळपास सहा महिने उपचार घेतल्यानंतर ती पूर्णपणे बरी झाली. अभिनेत्री ताहिरा कश्यपला स्तनाच्या कर्करोगाचे निदान झाले होते. ताहिरा कश्यपने कर्करोगावर यशस्वीपणे मात केली. बॉलिवूड दिग्दर्शक राकेश रोशन यांनादेखील कर्करोगाने ग्रासले होते. सर्जरी आणि उपचार घेतल्यानंतर राकेश रोशन कर्करोगातून बरे झाले. बॉलिवूड दिग्दर्शक अनुराग बासूला २००४ साली रक्ताच्या कर्करोगाचे निदान झाले होते. अनुराग बासूनेही कर्करोगावर यशस्वीपणे मात केली. बॉलिवूड अभिनेता संजय दत्तला फुफ्फुसाच्या कर्करोगाने ग्रासले होते. उपचार घेतल्यानंतर आता संजय दत्त कर्करोगातून पूर्णपणे बरा झाला आहे. (सर्व फोटो : इंडियन एक्सप्रेस)