Photos : हृता दुर्गुळेची सासू आहे प्रसिद्ध अभिनेत्री; मराठीसोबत हिंदी चित्रपटांतही केलं आहे काम

'फुलपाखरू' मालिकेतून प्रसिद्धीझोतात आलेली अभिनेत्री हृता दुर्गुळे नुकतीच विवाहबंधनात अडकली आहे. दिग्दर्शक प्रतीक शाहसोबत हृताने १८ मे रोजी लग्नगाठ बांधली. हृता-प्रतीकच्या लग्नाचे फोटो सोशल मीडियावर व्हायरल झाले होते. हृताने मालिकांसोबतच नाटकांमध्येही काम केलं आहे. प्रतीक शाह हे छोट्या पडद्यावरील एक प्रसिद्ध नाव आहे. प्रतीकने ‘बेहद २’, ‘एक दिवाना था’, ‘तेरी मेरी एक जिंदगी’ यासारख्या लोकप्रिय मालिकांचे दिग्दर्शन केले आहे. प्रतीक लोकप्रिय अभिनेत्री मुग्धा शाह यांचा मुलगा आहे. मुग्धा यांनी अनेक मराठीसोबतच हिंदी आणि गुजराती मालिकांमध्ये काम केले आहे. मुग्धा यांनी ‘बे दुणे साडे चार’, ‘मिस मॅच’, ‘कर्तव्य’, ‘माहेर माझं पंढरपूर’ अशा अनेक चित्रपटांमध्ये काम केलं आहे. हिंदी मालिकाविश्वातही त्यांचं नाव आहे. 'एनी टाइम मनी', 'पोछो मेरे दिलसे', 'गुनाह' या हिंदी चित्रपटांतही त्या दिसल्या होत्या. याशिवाय गुजराती मालिकांमध्येही त्यांनी आपल्या अभिनयाचा ठसा उमटवला आहे. मुग्धा यांच्याप्रमाणेच प्रतीकही कलाविश्वात नाव कमवत आहे. प्रतीक आईसोबतचे अनेक फोटो सोशल मीडियावर शेअर करत असतो. (सर्व फोटो : प्रतीक शाह /इन्स्टाग्राम)