Photos: अभिजीत श्वेतचंद्र ते हार्दिक जोशी… ‘या’ मराठमोळ्या कलाकारांचा पार पडला साखरपुडा

छोट्या पडद्यावरील अनेक मराठी कलाकारांनी त्यांच्या आयुष्यातील नव्या प्रवासाला सुरुवात केली आहे. स्टार प्रवाह वाहिनीवरील 'नवे लक्ष्य' मालिकेतील अभिनेता अभिजीत श्वेतचंद्रचा नुकताच साखरपुडा पार पडला आहे. अभिजीत आणि अभिनेत्री सेजल वर्देच्या साखरपुड्याचे फोटो सोशल मीडियावर चर्चेत होते. झी मराठी वाहिनीवरील 'रात्रीस खेळ चाले' या मालिकेतून घराघरात पोचलेला अभिनेता नचिकेत देवस्थळीचा अभिनेत्री तन्वी कुलकर्णीसोबत साखरपुडा पार पडला. नचिकेत-तन्वीने 'हमसफर' असे कॅप्शन देत साखरपुड्याचे फोटो शेअर केले होते. 'सहकुटुंब सहपरिवार' मालिकेतील अभिनेता आकाश नलावडेचा रुचिका धुरीसोबत साखरपुडा पार पडला. 'तुझ्या माझ्या संसाराला आणि काय हवं' मालिकेतील अभिनेत्री अमृता पवार नुकताच साखरपुडा पार पडला आहे. नील पाटील असं अमृताच्या जोडीदाराचं नाव आहे. 'तुझ्यात जीव रंगला' मालिकेतून प्रेक्षकांच्या घराघरात पोहोचलेल्या राणादा आणि पाठकबाई म्हणजेच अभिनेता हार्दिक जोशी आणि अक्षया देवधर यांचा साखरपुडा पार पडला. अक्षय्य तृतीयाच्या मुहूर्तावर ३ मे रोजी हार्दिक-अक्षयाचा साखरपुडा पार पडला होता. या मराठमोळ्या कलाकारांच्या फोटोंवर चाहत्यांनी शुभेच्छांचा वर्षाव केला आहे. (सर्व फोटो सौजन्य : इन्स्टाग्राम)