Photos: ‘ही’ मराठमोळी अभिनेत्री लवकरच होणार आई; डोहाळे जेवणाचे फोटो व्हायरल

छोट्या पडद्यावरील लोकप्रिय अभिनेत्री सायली परब लवकरच आई होणार आहे. काही दिवसांपूर्वीच सायलीच्या डोहाळे जेवणाचा कार्यक्रम पार पडला. या कार्यक्रमातील काही फोटो सायलीने इन्स्टाग्रामवर शेअर केले आहेत. शेअर केलेल्या फोटोंमध्ये सायलीने हिरव्या रंगाची सुंदर साडी नेसली आहे. "एक नवीन सुरुवात...." असे कॅप्शन सायलीने या फोटोंना दिले आहे. डोहाळे जेवणासाठी सायलीने फुलांच्या दागिन्यांनी साज केला आहे. सध्या सायली तिचा प्रेग्नंसी काळ एन्जॉय करत आहे. सायलीने मालिकांसोबतच नाटक आणि वेब सीरिजमध्येही काम केलं आहे. 'तू सौभाग्यवती हो', 'सुखाच्या सरींनी हे मन बावरे', 'चूक भूल द्यावी घ्यावी' या मालिकेत सायली झळकली होती. 'हुतात्मा' या वेब सीरिजमध्येही सायलीने काम केले होते. सायलीच्या पतीचे नाव इंद्रनील शेलार असून तो फोटोग्राफर आहे. डिसेंबर २०१९मध्ये सायलीचा साखरपुडा पार पडला होता. १ फेब्रुवारी २०२० रोजी सायलीने लग्नगाठ बांधली. चाहत्यांकडून सायलीवर शुभेच्छांचा वर्षाव होत आहे. (सर्व फोटो सौजन्य : सायली परब / इन्स्टाग्राम)