Photos : गोल्डन- बॅकलेस ड्रेसमध्ये ४९ वर्षीय मलायकाचा बोल्ड अवतार, करीना कपूरची कमेंट चर्चेत

फिटनेसच्या बाबतीत प्रचंड जागरूक असलेली अभिनेत्री मलायका अरोरा सोशल मीडियावर नेहमीच काही ना काही कारणाने चर्चेत असते. मलायका सोशल मीडियावर बरीच सक्रिय असून तिचा सोशल मीडियावर बराच मोठा चाहतावर्ग आहे. मलायका नेहमीच इन्स्टाग्रामवर स्वतःचे हॉट फोटो आणि व्हिडीओ सोशल मीडियावर शेअर करताना दिसते जे अनेकदा व्हायरल होतात. आताही मलायकाची इन्स्टाग्राम पोस्ट आणि काही फोटो सोशल मीडियावर चर्चेत आहे. मलायकानं तिच्या इन्स्टाग्रामवर गोल्डन कलरच्या बॅकलेस गाऊनमधील काही फोटो शेअर केले आहेत. ज्याची सध्या इंटरनेटवर बरीच चर्चा आहे. या फोटोंमध्ये गोल्डन- बॅकलेस ड्रेसचा लुक मलायकानं नेकलेस, ब्रेसलेट आणि हेवी रिंगसह पूर्ण केला आहे. तसेच तिने केस मोकळे सोडले आहेत. या ड्रेसमध्ये मलायकाने दिलेल्या पोजवर चाहते घायाळ झाले आहेत. ४९ वर्षीय मलायकाचा फिटनेस कमालीचा असल्याच्या या फोटोंमध्ये पाहायला मिळत आहे. मलायकाच्या या फोटोंवर कमेंट्स आणि लाइक्सचा अक्षरशः पाऊस पडताना दिसत आहे. तिच्या या फोटोंवर लाखो लाइक्स मिळाल्या आहेत. एवढंच नाही तर अभिनेत्री करीना कपूर खाननं देखील तिच्या फोटोवर, 'तू कोणाला पाहत आहेस?' अशी कमेंट केली आहे. (फोटो साभार- मलायका अरोरा इन्स्टाग्राम)