Photos : ‘आई कुठे काय करते’ फेम अभिनेत्री मोठ्या पडद्याद्वारे येणार प्रेक्षकांच्या भेटीला; चित्रपटातील फर्स्ट लूक व्हायरल

स्टार प्रवाह वाहिनीवरील ‘आई कुठे काय करते’ या मालिकेवर प्रेक्षक भरभरून प्रेम करतात. अल्पावधीतच या मालिकेने लोकप्रियतेचं शिखर गाठलं. मालिकेतील पात्रांनीही प्रेक्षकांच्या मनात घर केलं. गेल्या अडीच वर्षांपासून ही मालिका प्रेक्षकांचं मनोरंजन करत आहे. ‘आई कुठे काय करते’ मालिकेतून अभिनेत्री राधा सागर घराघरात पोहोचली. या मालिकेत तिने अभिषेकच्या प्रेयसीची भूमिका साकारली होती. ‘अंकिता’ हे खलनायिकेचं पात्र साकारून राधाने प्रेक्षकांची मनं जिंकून घेतली होती आता राधा मोठ्या पडद्यावरून पुन्हा एकदा प्रेक्षकांचं मनोरंजन करण्यासाठी सज्ज झाली आहे. ‘भिरकीट’ या चित्रपटातून ती प्रेक्षकांच्या भेटीला येणार आहे. या चित्रपटात राधा 'सुमन' हे पात्र साकारताना दिसणार आहे. चित्रपटात मुख्य नायिकाची भूमिका अभिनेता गिरिश कुलकर्णी यांनी साकारली आहे. या चित्रपटातील फर्स्ट लूक राधाने तिच्या इन्स्टाग्राम अकाऊंटवरून शेअर केला आहे. “नखरेल, फटाका, सुंदर, स्मार्ट, नवऱ्याला मुठीत ठेवणारी अशी ‘सुमन’ साकारताना खूप मस्त वाटलं. प्रेक्षकांना सुद्धा मला एका वेगळ्या रूपात बघायला मिळाले याचा मला मनस्वी आनंद आहे”, असं मत राधाने व्यक्त केलं आहे. राधाचा फर्स्ट लूक सोशल मीडियावर व्हायरल होतो आहे. तिच्या या पोस्टवर चाहत्यांनी कमेंट करून शुभेच्छांचा वर्षाव केला आहे. राधाने याआधीही ‘विकून टाक’, ‘मलाल’, ‘ठाकरे’, ‘कंडिशन्स अप्लाय’ या चित्रपटांत काम करून प्रेक्षकांचं मनोरंजन केलं आहे. (सर्व फोटो : राधा सागर/ इन्स्टाग्राम) (हेही पाहा : ‘महाराष्ट्राची हास्यजत्रा’ फेम अभिनेत्री विशाखा सुभेदारची ‘या’ लोकप्रिय मालिकेत एण्ट्री)

अभिनेत्री राधा सागर ‘आई कुठे काय करते’ मालिकेतून घराघरात पोहोचली.