Photos: बॉलिवूडची ‘ही’ अभिनेत्री रस्त्यावर विकतेय भाजी? नव्या फोटोशूटमुळे चर्चेत

बॉलिवूड अभिनेत्री अदा शर्मा सध्या सोशल मीडियावर चांगलीच चर्चेत आहे. अदाचे अनेक ग्लॅमरस फोटो व्हायरल होताना दिसतात. अदाने नुकतेच एक हटके फोटोशूट केले आहे. हे फोटो अदाने इन्स्टाग्राम अकाऊंवर पोस्ट केले आहेत. या फोटोंमध्ये अदाने पानाचा ड्रेस परिधान केला आहे. अदाच्या हॉट लूकवर नेटकरी फिदा झाले आहेत. स्टाईलमुळे चर्चेत राहणाऱ्या अदाला भाजी विकताना पाहून अनेकांना आश्चर्याचा धक्का बसला. परंतु नंतर हे फोटोशूट असल्याचे कळले. विशेष म्हणजे भाजी विकतानाचा फोटो अनेकांच्या पसंतीत उतरत आहे. सोशल मीडियावर व्हायरल होत असलेले हे फोटोशूट अदासाठी खास असून एका हॉलिवूड चित्रपटासाठी लागणाऱ्या लूक टेस्टसाठी ते करण्यात आले आहे. त्यामुळे अदा आता हॉलिवूडची वाट धरते का, असा प्रश्न तिच्या चाहत्यांना पडला आहे. अदाने २००८ साली '१९२०' या चित्रपटामधून बॉलिवूडमध्ये पदार्पण केले होते. '१९२०' या चित्रपटाच्या माध्यमातून कलाविश्वात पदार्पण करणाऱ्या अदाने 'हंसी तो फसी', 'कमांडो ३' या चित्रपटांमध्ये काम केले आहे. सध्या अदा एका शॉर्ट फिल्म आणि तेलुगू चित्रपटाच्या चित्रीकरणामध्ये व्यस्त आहे. (सर्व फोटो सौजन्य - अदा शर्मा / इन्स्टाग्राम) (हेही पाहा : अभिनेत्री श्वेता शिंदेने पुन्हा बांधली लग्नगाठ? फोटो सोशल मीडियावर व्हायरल)