Photos : कोण आहे आमिर खानच्या लेकीचा प्रियकर?; जाणून घ्या नुपूर शिखरेबद्दल

मिस्टर परफेक्शनिस्ट अशी ओळख असलेला बॉलिवूड अभिनेता आमिर खानची मुलगी आयरा खान सध्या सोशल मीडियावर चर्चेत आहे. आयरानं बॉयफ्रेण्ड नुपूर शिखरे आणि आजी जीनत हुसैन यांच्या भेटीचे फोटो इन्स्टाग्राम अकाऊंटवरून शेअर केले आहेत. आयराच्या या फोटोंमुळे ती लग्नबंधनात अडकणार असल्याच्या चर्चा रंगल्या आहेत. चाहत्यांनी तिच्या पोस्टवर कमेंट करून ‘लग्न करणार आहेस का?’ असा प्रश्नदेखील विचारला आहे. आयरा सोशल मीडियावर कायमच सक्रीय असते. इन्स्टाग्रामवर तिचे ६२ हजारांहून अधिक फॉलोवर्स आहेत. बॉयफ्रेण्ड नुपूरसोबतचे अनेक फोटो ती शेअर करत असते. आयरा आणि नुपूर गेल्या दोन वर्षांपासून रिलेशनशिपमध्ये आहेत. गेल्याच वर्षी त्यांनी आपल्या नात्याबद्दल कबुली दिली होती. नुपूर शिखरे हा एक फिटनेस ट्रेनर आहे. माध्यमांनी दिलेल्या वृत्तानुसार, आयराने बॉलिवूडमध्ये पदार्पण करण्याआधी फिटनेसकडे विशेष लक्ष दिलं होतं. त्यावेळी नुपूर शिखरे आयराचा फिटनेस ट्रेनर होता. आमिर खानचाही नुपूर फिटनेस ट्रेनर राहिला आहे, अशी माहिती आहे. नुपूर शिखरे आणि आयरा खानचा रोमॅंटिक फोटो. आयराच्या पोस्टमुळे तिच्या लग्नाच्या चर्चांना उधाण आले आहे. (सर्व फोटो : आयरा खान,नुपूर शिखरे/ इन्स्टाग्राम) (हेही पाहा : मौनीने पुन्हा वेधलं चाहत्यांचं लक्ष; बिकिनीतील बोल्ड फोटोंवर खिळल्या नेटकऱ्यांच्या नजरा)