‘बिग बॉस मराठी’च्या चौथ्या पर्वाच्या सुत्रसंचालनासाठी नाना पाटेकरांचा नकार?

छोट्या पडद्यावरील बहुचर्चित कार्यक्रम म्हणून ‘बिग बॉस’ या कार्यक्रमाकडे पाहिलं जातं. 'बिग बॉस'च्या स्पर्धकांमधील राडे, नवनवीन टास्क, मैत्री आणि होणारे वाद यामुळे हा शो कायमच चर्चेत असतो. या तिन्ही भागाचे सूत्रसंचालन महेश मांजरेकर यांनी केलं होतं. मात्र आता चौथ्या पर्वाचे सूत्रसंचालन ते करणार नसल्याचे बोललं जात आहे. 'बिग बॉस'च्या नव्या पर्वाचं सूत्रसंचालन कोण करणार? याची उत्सुकता सर्वत्र पाहायला मिळत आहे. टाइम्स ऑफ इंडियाच्या वृत्तानुसार, अभिनेते नाना पाटेकर यांना या कार्यक्रमाच्या सुत्रसंचालनासाठी विचारण्यात आलं होतं. पण काही कारणास्तव त्यांनी हा कार्यक्रम करण्यास नकार दिला. सध्यातरी या कार्यक्रमाचं सुत्रसंचालन कोण करणार? हे ठरलेलं नाही. अभिनेता सिद्धार्थ जाधव 'बिग बॉस'च्या नव्या पर्वाचं सुत्रसंचालन करणार असल्याचं बोललं जात आहे. (फोटो - सर्व फाईल फोटो) (हेही पाहा - Photos : गोव्यामध्ये रमली श्रेया बुगडे, नवऱ्यासोबत शेअर केले खास फोटो)