अभिनेत्री आलिया भट्टने शेअर केले ब्रम्हास्त्र चित्रपटाच्या सेटवरचे अनसीन फोटो

अभिनेत्री आलिया भट्ट बॉलिवूडमधली एक यशस्वी अभिनेत्री म्हणून ओळखली जाते. स्वबळावर तिने स्वतःला सिद्ध करत तिने ओळख निर्माण केली आहे. आलिया लवकरच ब्रम्हास्त्र या चित्रपटात झळणार आहे. चित्रपटाच्या पहिल्या दिवसापासून आलिया या चित्रपटाबद्दल काही ना काही नवी बातमी चाहत्यांना सांगत असते. रणबीर आणि आलियावर चित्रित झालेल्या या चित्रपटातील 'केसरिया तेरा' या गाण्याने प्रेक्षकांना वेड लावले आहे. या चित्रपटाचे दिग्दर्शन अयान मुखर्जी याने केले आहे. आलिया आणि अयान एकमेकांचे खूप चांगले मित्र मैत्रिणी आहेत. नुकतेच अयान याच्या वाढदिवसाच्या निमित्ताने 'ब्रम्हास्त्र'च्या सेटवरचे कधीही न पाहिलेले फोटो आलियाने शेअर केले आणि अयानला वाढदिवसाच्या शुभेच्छा दिल्या. पहिल्या फोटोत आलिया आणि अयान एका लोखंडी कंपाऊंडच्या आडून एकमेकांकडे बघत आहेत. तर दुसऱ्या फोटोत आलिया आणि अयान शूटिंगमधून ब्रेक घेऊन गप्पा मारताना दिसत आहेत. आणखीन एका फोटोत अयान आलियाला सीन समजावून सांगताना दिसत आहे. ब्रम्हास्त्र हा चित्रपट ९ सप्टेंबर २०२२ रोजी प्रदर्शित होणार आहे. सर्व फोटो सौजन्य: आलिया भट्ट (इन्स्टाग्राम)