Photos: ‘माझी तुझी रेशीमगाठ’ मालिकेतील ‘नेहा’च्या वहिनीबद्दल काही खास गोष्टी

झी मराठीवरील 'माझी तुझी रेशीमगाठ' या मालिकेने सुरुवातीपासूनच प्रेक्षकांच्या मनात घर केले. या मालिकेतील यश आणि नेहाची जोडी तसेच परीचा निरागस अभिनयाने प्रेक्षकांची मन जिंकली आहेत. या मालिकेत अभिनेत्री स्वाती देवल 'मीनाक्षी वहिनी'ची भूमिका साकारत आहे. अलिकडेच 'माझी तुझी रेशीमगाठ' या मालिकेने ३०० भागांचा टप्पा गाठला आहे. स्वाती ही प्रसिद्ध संगीत संयोजक आणि संगीतकार तुषार देवल यांची पत्नी आहे. स्वाती आणि तुषारने २६ ऑक्टोबर २००३ रोजी लग्नगाठ बांधली. स्वातीने आतापर्यंत 'वादळवाट', 'कळत नकळत', 'कुंकू', 'पुढचं पाऊल' यासारख्या अनेक गजलेल्या मालिकांमध्ये काम केले आहे. विशेष म्हणजे केवळ मराठीच नाही तर स्वातीने हिंदी मालिकांमध्येही तिच्या अभिनयाचा ठसा उमटविला आहे. अभिनेत्री असण्यासोबतच स्वाती उत्तम नृत्यांगना आहे. स्वाती व तुषारला स्वराध्या हा मुलगा आहे. तुषार देवलला झी मराठीवरील 'चला हवा येऊ द्या' या कार्यक्रमातून प्रसिद्धी मिळाली. स्वाती सोशल मीडियावर बरीच सक्रिय आहे. स्वातीच्या चाहत्यांची संख्यासुद्धा दिवसेंदिवस वाढत आहे. (सर्व फोटो सौजन्य - स्वाती देवल / इन्स्टाग्राम) (हेही पाहा : ‘राणादा’ व ‘पाठक बाई’ लवकरच लग्न बंधनात अडकणार; पहिल्या केळवणाचे फोटो व्हायरल)