Photos: गुलाबी साडी, नाकात नथ… अमृताच्या कातिल अदांवर पतीही घायाळ, कमेंट करत म्हणाला…

मराठमोळी अभिनेत्री अमृता खानविलकर सोशल मीडियावर नेहमीच चर्चेत असते. अमृताचा इन्स्टाग्राम आणि फेसबुकवर बराच मोठा चाहतावर्ग आहे. अनेकदा अमृता सोशल मीडियावर कामाच्या अपडेट्ससोबतच स्वतःचे फोटोही शेअर करताना दिसते. आताही अमृताने तिच्या नव्या फोटोशूटचे फोटो इन्स्टाग्रामवर शेअर केले आहेत. अमृताने शेअर केलेल्या या फोटोंची सोशल मीडियावर जोरदार चर्चा होताना दिसत आहे. इन्स्टाग्रामवर शेअर केलेल्या या फोटोमध्ये अमृताचा साडीतील ग्लॅमसर लुक पाहायला मिळत आहे. अमृताने गुलाबी रंगांची साडी नेसली असून यात ती खूपच सुंदर दिसत आहे. गुलाबी साडी, नाकात नथ आणि मोकळे केस असा अमृताचा ग्लॅमरस अवतार सर्वांच्याच पसंतीस उतरला आहे. अमृताच्या या फोटोंवर तिचे चाहते कमेंट्स आणि लाइक्स करताना दिसत आहेत. एवढंच नाही तर तिचा पती हिमांशू मल्होत्रानेही या फोटोंवर कमेंट केली आहे. अमृताच्या फोटोवर कमेंट करताना हिमांशूने लिहिलं, "खूबसूरत" आणि यासोबत त्याने हार्ट इमोजीही पोस्ट केला आहे. अमृता खानविलकर लवकरच माधुरी दीक्षितसह 'झलक दिखला जा' कार्यक्रमात दिसणार आहे. याची माहिती तिने काही दिवसांपूर्वीच इन्स्टाग्रामवर पोस्ट शेअर करत दिली होती. (फोटो साभार- अमृता खानविलकर इन्स्टाग्राम ) (आणखी वाचा- Photos : बॉडीकॉन ड्रेसमध्ये अनन्या पांडेचा हॉट अवतार, सुहाना खानची कमेंट चर्चेत)