स्टुडिओ, पेंटिंग्स, टेरेस बाल्कनी अन् बरंच काही! विजय देवरकोंडाचा १५ कोटींचा अलिशान बंगला पाहिलात का?

साऊथचा सुपरस्टार विजय देवरकोंडा सध्या त्याच्या लायगर चित्रपटामुळे चर्चेत आहे. या चित्रपटात त्याच्यासह अभिनेत्री अनन्या पांडे मुख्य भूमिकेत आहे. विजय आणि अनन्याची केमिस्ट्री असलेल्या या स्पोर्टस ड्रामा चित्रपटाला प्रेक्षकांची चांगली पसंती मिळत आहे. आपल्या दमदार अभिनयाने तेलुगू चित्रपटसृष्टी गाजवणारा विजय तरुणाईचा लाडका आहे. विजय सोशल मीडियाच्या माध्यमातून फोटो आणि व्हिडीओ शेअर करत चाहत्यांच्या संपर्कात राहतो. विजय त्याच्या घरातील फोटोही शेअर करत असतो. आज आपण त्याच्या हैदराबादमधील घराची सफर करणार आहोत. विजयचे घर हैदराबादमधील ज्युबिली हील्स भागात आहे. विजय हा ज्युबिली हील्समध्ये महेश बाबू, अल्लू अर्जुन, चिरंजीवी, अक्किनेनी नागार्जुना यांचा शेजारी आहे. २०१९मध्ये विजय कुटुंबासह या घरात राहायला आला. त्याने आणि त्याच्या कुटुंबाने जवळच्या मित्रांसाठी आणि ओळखीच्या लोकांसाठी हाऊसवॉर्मिंग पार्टी दिली होती. सेलिब्रेशनचे आयोजन केले होते. विजयच्या या आलिशान घराची किंमत १५ ते २० कोटी असल्याचं म्हटलं जातंय. त्याच्या या बहुमजली घराचा पेंंट पांढरा आहे. विजयच्या अनेक फोटोंमध्ये त्याच्या घराची झलक पाहायला मिळते. विजयच्या घराचे प्रवेशद्वार मोठे आहे. घरात शिरल्यावर लिव्हिंग रुम आहे. त्या रुममध्ये अनेक सुंदर पेंटिंग्स पाहायला मिळतात. या घरात विजय त्याचे आई-वडील आणि अभिनेता भाऊ आनंद देवराकोंडासोबत राहतो. त्याचा कुत्रा स्टॉर्म देखील त्याच्यासोबत घरी राहतो. करोनाकाळात विजय चित्रपटाशी संबंधित अनेक कामे घरूनच करत होता. विजयच्या घरात एक स्पेशल डबिंग स्टुडिओ आहे. या स्टुडिओत तो रेकॉर्डिंग करतो. विजयच्या घराला व्हाईट फ्रेंच खिडक्या आहेत. त्या खिडक्यांमुळे घराचं लूक आणखी सुंदर दिसतं. याशिवाय त्याच्या घरात इनडोअर प्लान्ट्देखील आहेत. विजय चित्रपटांच्या शुटिंगशिवायचा इतर वेळ घरीच कुटुंबासमवेत घालवणं पसंत करतो. विजय लिव्हिंग रुममधील ग्रे आणि व्हाईट सोफ्यावर त्याचा फेव्हरेट पेट स्ट्रॉमसह मस्ती करताना दिसून येतो. तरुणांमध्ये त्याच्या स्टाईलसाठी लोकप्रिय असणारऱ्या विजयचे घरदेखील खूप स्टायशील आहे. विजयच्या घरात एक सुंदर बाल्कनी आहे. तिथे तो त्याचा लाडका पेट स्ट्रॉर्मसमवेत वेळ घालवतो. याशिवाय विजयची टेरेस बाल्कनी खूप सुंदर आहे. रंगीबेगरी फुलांची झाडं आणि हिरवाईने नटलेली ही बाल्कनी वेळ घालवण्यासाठी विजयची आवडली जागा आहे. विजय सर्व सणउत्सव घरात कुटुंबीयांसमवेत साजरे करतो. तो घरात आईला मदत करतानाही दिसून येतो. विजय साध्या राहणीमानासाठी ओळखला जातो. त्याचं बेडरुम इंटिरियर पूर्ण व्हाईट रंगाचं असून परदे ग्रे रंगाचे आहे. विजय अनेकदा त्याच्या बेडरुममधील सेल्फी आणि फोटो शेअर करत असतो. घरात आई वडील आणि भागवासमवेत अभिनेता विजय देवरकोंडा... दरम्यान, विजयचा लायगर चित्रपट सध्या चित्रपटगृहांमध्ये चांगली कमाई करतोय. विजयने या चित्रपटासाठी जवळपास २० ते २५ कोटी रुपये मानधन घेतल्याचं म्हटलं जातंय. (सर्व फोटो अभिनेता विजय देवरकोंडाच्या इन्स्टाग्रामवरून साभार)