कीर्तनकार शिवलीला पाटीलसाठी वाढदिवस ठरला खास, घरी नव्या सदस्यांचं आगमन

कीर्तनकार शिवलीला पाटील ही बिग बॉस या रिअॅलिटी शोमुळे सर्वांच्या परिचयाची झाली. बिग बॉस मराठीच्या सिझन तीनमध्ये ती सहभागी झाली होती. परंतु हा सिझन सुरु झाल्यानंतर काहीच दिवसात तब्येतीच्या कारणाने ती या कार्यक्रमातून बाहेर पडली. त्यानंतर शिवलीला बिग बॉसमध्ये परतली नाही. तिने पुन्हा एकदा कीर्तनकार म्हणून आपले काम सुरु केले. तिने पुन्हा एकदा कीर्तनकार म्हणून आपले काम सुरु केले. नुकताच तिने तिचा वाढदिवस साजरा केला. यंदाचा हा वाढदिवस तिच्यासाठी खास ठरला. याचे कारण म्हणजे तिच्या घरी दोन नव्या सदस्यांचं या दिवशी आगमन झालं. तिच्या वाढदिवसाच्या दिवशी तिने नवीन गाडी घेतली. ही गाडी खरेदी करतानाचे काही फोटो तिने सोशल मीडियावर शेअर केले. गाडी घेताना तिने गाडीची पूजाही केली. त्यासोबतच तिने गाडीसमोर नारळही वाढवला. चारचाकीसोबतच तिने या वाढदिवसाला एक नवी कोरी अॅक्टिव्हाही विकत घेतली. त्याचाही फोटो तिने सोशल मीडियावर शेअर केला. यामुळे तिच्यावर सोशल मीडियावरून शुभेच्छांचा वर्षाव होत आहे. या नवीन सदस्यांमुळे तिचा यावर्षीचा वाढदिवस खास ठरला आहे. फोटो सौजन्य : शिवलीला पाटील (इन्स्टाग्राम)