प्राजक्ता माळीने ‘महाराष्ट्राची हास्यजत्रा’च्या टीमसह घेतलं लालबागच्या राजाचं दर्शन, पाहा फोटो

अभिनेत्री प्राजक्ता माळी सोशल मीडियावर बरीच सक्रिय असते. सध्या संपूर्ण महाराष्ट्रात गणेशोत्सवानिमित्त भक्तीमय वातावरण आहे आणि यात प्राजक्ताही सहभागी झाली आहे. काही दिवसांपूर्वीच तिने पुण्यातील मानाच्या गणपतींचं दर्शन घेतलं होतं. यावेळचे फोटो तिने तिच्या इन्स्टाग्रामवर शेअर केले होते. हे फोटो सोशल मीडियावर व्हायरल झाले होते. त्यानंतर आता तिने नुकतंच मुंबईतील लालबागच्या राजाच्या दर्शन घेतलं. या दर्शनाचे फोटो प्राजक्ताने तिच्या इन्स्टाग्रामवर शेअर केले आहेत. यावेळी प्राजक्तासह 'महाराष्ट्राची हास्यजत्रा' कार्यक्रमाची टीमही होती. प्राजक्ताने शेअर केलेले हे फोटो सध्या सोशल मीडियावर व्हायरल झाले आहेत. हे फोटो शेअर करताना त्याच्या कॅप्शनमध्ये तिने लिहिलं, "...आणि यावेळी राजाचं दर्शन हास्यजत्रेच्या कुटुंबासह झालं." "२ वर्षांनी सण- उत्सवांचा आनंद मिळतोय.. सगळा उट्टा काढणार" असंही तिने या कॅप्शनमध्ये पुढे लिहिलं आहे. (सर्व फोटो- प्राजक्ता माळी इन्स्टाग्राम) (आणखी पाहा- रतन टाटा देवमाणूस! घरगुती गणपतीच्या लहानशा देखाव्यातून साकारली भव्य कलाकृती; पाहा Photos)