चुलीवरचं जेवण आणि सव्वा तास गप्पा… नाना पाटेकर आणि एकनाथ शिंदे यांची ग्रेट भेट

अभिनेते नाना पाटेकर यांच्या घरचा गणपती हा दरवर्षीच आकर्षणाचा विषय ठरतो. या गणपतीचे दर्शन घेण्यासाठी कला, समाजिक, राजकीय क्षेत्रातली अनेक मान्यवर मंडळी नाना पाटेकर यांच्या घरी भेट देतात. नुकतीच महाराष्ट्राचे मुख्यमंत्री एकनाथ शिंदे यांनी त्यांच्या घरी भेट दिली. एकनाथ शिंदे अभिनेते नाना पाटेकर यांच्या सिंहगड पायथ्याशी असलेल्या डोणजे येथीस फार्म हाऊसवर गेले. यावेळी त्यांनी नाना पाटेकर यांच्याघरी स्थापना करण्यात आलेल्या गणपती बाप्पाचे दर्शन घेतलं. नानांनी स्वतःच्या हाताने मुख्यमंत्र्यांसाठी चुलीवरचे पिठलं केले होते. एकनाथ शिंदे यांनी नाना पाटेकर यांच्या घरी जेवणाचाही आस्वाद घेतला नाना आणि त्यांच्या कुटुंबीयांशी एकनाथ शिंदे यांनी मनसोक्त गप्पा मारल्या. यावेळी त्यांनी नाना पाटेकर यांच्याघरी स्थापना करण्यात आलेल्या गणपती बाप्पाचे दर्शन घेतलं. सुमारे सव्वा तास ते नाना यांच्या फाहाऊसवर रमले होते. संध्याकाळी सहा वाजता ते मुंबईला निघाले. राज्याचे मुख्यमंत्री एकनाथ शिंदे नुकतेच पुणे दौऱ्यावर होते. त्यांनी पुण्यातील अनेक सार्वजनिक मंडळांच्या गणपतींचे दर्शन घेतले. त्यांनी श्रीमंत दगडूशेठ हलवाई गणपतीचीही आरती केली. यानंतर मुख्यमंत्री अभिनेते नाना पाटेकर यांच्या घरी बाप्पाच्या दर्शनासाठी पोहोचले.