Photos: ‘आई तू.. बाबा मी होणार..’; ‘सुख म्हणजे नक्की काय असतं’ मालिकेत पार पडला गौरीच्या डोहाळे जेवणाचा कार्यक्रम

स्टार प्रवाहवरील 'सुख म्हणजे नक्की काय असतं' ही मालिका सध्या प्रेक्षकांच्या चांगलीच पसंतीस उतरताना दिसत आहे. या मालिकेतील जयदीप - गौरीच्या जोडीला प्रेक्षकांचं भरभरुन प्रेम मिळत आहे. गेल्या कित्येक दिवसांपासून ज्या सुखाची जयदीप-गौरी आणि संपूर्ण शिर्केपाटील कुटुंब आतुरतेने वाट पहात होते तो क्षण अखेर आला आहे. लवकरच शिर्के पाटील कुटुंबात चिमुकल्या पाहुण्याचे आगमन होणार आहे. या चिमुकल्या पाहुण्याच्या स्वागताची जय्यत तयारी सुरु असून मालिकेत लवकरच गौरीच्या डोहाळे जेवणाचा कार्यक्रम पाहायला मिळणार आहे. माईंच्या आग्रहाखातर पारंपरिक पद्धतीने या डोहाळे जेवणाची तयारी करण्यात आली आहे. फुलांच्या दागिन्यांनी गौरीचा साज शृंगार करण्यात आला आहे. शालिनी आणि देवकी डोहाळे जेवणाच्या कार्यक्रमात एक खास नृत्यही सादर करणार आहेत. मात्र शुभकार्यात विघ्न आणलं नाही ती शालिनी कसली. गौरीच्या डोहाळे जेवणाच्या कार्यक्रमात तिला जीवे मारण्याचा शालिनीने डाव रचलाय आहे. (सर्व फोटो सौजन्य : स्टार प्रवाह / इन्स्टाग्राम) (हेही पाहा : लग्नानंतरचा पहिला वाढदिवस पतीसह साजरा करतेय ऋता दुर्गुळे; शेअर केले खास फोटो)