Photos: ‘हास्यजत्रा’ फेम शिवाली परबचं साडी नेसून बाथटब फोटोशूट; चाहते म्हणाले, “एवढा दुष्काळ की…”

'महाराष्ट्राची हास्यजत्रा' फेम अभिनेत्री शिवाली परबने आपल्या विनोदी शैलीने कमी काळामध्येच प्रेक्षकांच्या मनावर अधिराज्य गाजवलं. शिवाली या कार्यक्रमामध्ये साकारत असलेलं प्रत्येक पात्र प्रेक्षकांना खळखळून हसवतं. तिच्या चाहत्यावर्गामध्येही वाढ झाली आहे. तसेच शिवाली सोशल मीडियावरही फारच सक्रिय असते. आपले विविध फोटो तसेच डान्स व्हिडीओ शेअर करत ती आपल्या चाहत्यांचं मनोरंजन करताना दिसते. सोशल मीडियावर तर तिचे हजारो फॉलोवर्स आहेत. सतत फोटोशूटमध्ये रमणाऱ्या या अभिनेत्री नुकतंच एक हटके फोटोशूट केलं. तिच्या याच फोटोशूटची सध्या सोशल मीडियावर जोरदार चर्चा सुरु झाली आहे. शिवालीने कोणत्या स्टुडिओमध्ये किंवा सेटवर नव्हे तर चक्क बाथटबमध्ये फोटोशूट केलं. या फोटोशूटसाठी तिने गुलाबी रंगाची साडी परिधान केली होती. पण तिच्या या फोटोंवर नेटकऱ्यांनी मजेशीर कमेंट केल्या आहेत. बाथटबमध्ये पाणीच नाही, पाणीटंचाई आहे का?, साधरणपणे ही आंघोळ करायची जागा दिसत आहे, एवढा दुष्काळ की रिकाम्या बाथटबमध्ये बसावं लागत आहे अशा अनेक हास्यास्पद कमेंट नेटकऱ्यांनी शिवालीच्या फोटोंवर केल्या आहेत. (सर्व फोटो - इन्स्टाग्राम) (हेही पाहा - Comedian Raju Srivastava Death : गेल्या १० वर्षामध्ये तीन वेळा अँजिओप्लास्टी अन्…; राजू श्रीवास्तव यांच्या निधनामागचं कारण काय?)