Photos: ‘शिवप्रताप गरूडझेप’ ऐतिहासिक चित्रपटात ‘हे’ कलाकार साकारणार महत्वाची भूमिका

राष्ट्रवादी काँग्रेसचे खासदार आणि अभिनेते डॉ. अमोल कोल्हे यांचा 'शिवप्रताप गरूडझेप' हा चित्रपट विजयादशमीच्या मुहूर्तावर ५ ऑक्टोबरला प्रदर्शित होणार आहे. सध्या सोशल मीडियावर 'शिवप्रताप गरूडझेप' या चित्रपटाची चर्चा सुरू आहे. 'आग्र्याहून सुटका' हा छत्रपती शिवाजी महाराजांच्या कारकीर्दीतला अत्यंत महत्त्वाचा आणि थरारक प्रसंग या चित्रपटात दाखवला जाणार आहे. या चित्रपटात अभिनेते डॉ. अमोल कोल्हे 'छत्रपती शिवाजी महाराजां'ची भूमिका साकारणार आहेत. 'राजमाता जिजाऊ' यांची भूमिका अभिनेत्री प्रतीक्षा लोणकर साकारणार आहे. बाल कलाकार हरक अमोल भारतीय 'शंभूराजे' यांची भूमिका साकारणार आहे. अभिनेत्री, दिग्दर्शिका आणि निर्माती अशी चौफेर नाव असलेली मनवा नाईक या चित्रपटात 'सोयराबाई मोहिते' यांची भूमिका साकारणार आहे. अभिनेता अजय तपकिरे 'बहिर्जी नाईक' यांची भूमिका साकारणार आहे. 'पुतळा राणीसाहेब' यांची भूमिका अभिनेत्री पल्लवी वैद्य साकारणार आहे. 'मिर्झाराजे जयसिंह' यांची भूमिका अभिनेता शैलेश दातार साकारणार आहे. अभिनेत्री अलका बडोला कौशल 'जहांआरा' यांची भूमिका साकारणार आहे. 'मोगल बादशाह औरंगजेब' यांची भूमिका अभिनेते यतीन कार्येकर साकारणार आहेत. अभिनेता हरीश दुधाडे 'रामसिंग' यांची भूमिका साकारणार आहे. (सर्व फोटो सौजन्य : शिवप्रताप गरूडझेप / इन्स्टाग्राम) (हेही पाहा : ‘महाराष्ट्राची हास्यजत्रा’ फेम ओंकार भोजनेला बिग बजेट मराठी चित्रपटाची ऑफर; पहिल्यांदाच दिसणार मुख्य भूमिकेत)