Photos : सारा तेंडुलकरचा लंडनमधील कॉलेज आयकार्डवरील फोटो पाहिलात का? शेअर करत म्हणाली “इतका वाईट…”

इंटरनेट सेन्सेशन आणि मॉडेल सारा तेंडुलकर, दिग्गज क्रिकेटपटू सचिन तेंडुलकरची मुलगी आहे. सारा तिच्या सौंदर्यासाठी ओळखली जाते परंतु ती मेडिसिन ग्रॅज्युएट आहे हे अनेकांना माहित नाही. सारा तिच्या सुंदर लूकमुळे नेहमीच चर्चेत असते. मात्र, साराकडे केवळ सौंदर्य नसून ती अतिशय हुशार देखील आहे. अलीकडेच ती तिच्या ग्रॅज्युएशन कॉलेजमध्ये गेली होती. यावेळी तिच्या कॉलेजच्या दिवसातील काही अविश्वसनीय क्षण शेअर करत ती खूप भावूक झाली. सचिन तेंडुलकरची मुलगी सारा तेंडुलकर ब्युटी विथ ब्रेन आहे. तिने मुंबईतील धीरुबाई अंबानी इंटरनॅशनल स्कूलमधून शालेय शिक्षण पूर्ण केले. भारतातील शालेय शिक्षण पूर्ण केल्यानंतर ती ग्रॅज्युएशन करण्यासाठी लंडनला गेली. साराने लंडनच्या युनिव्हर्सिटी कॉलेजमधून वैद्यकीय शिक्षण घेतले आहे. तिची आई अंजली याही डॉक्टर आहेत. साराच्या पदवी वितरणाच्या दिवशी सचिन आपली पत्नी अंजलीसह तेथे उपस्थित होता. मात्र, यानंतर साराने मॉडेलिंग हे करिअर निवडले आहे. या वर्षी साराने काही बॉलिवूड अभिनेत्रींसोबत मॉडेलिंगमध्ये पदार्पण केले. सारा २०१८ मध्ये ग्रॅज्युएट झाली होती आणि चार वर्षांनी प्रथमच, ती लंडनमधील तिच्या अल्मा मॅटर युनिव्हर्सिटी कॉलेजमध्ये परत गेली. ही गोष्ट तिने ती तिच्या इन्स्टाग्राम स्टोरीवर शेअर केली. साराने तिच्या कॉलेजचे ओळखपत्र देखील दाखवले पण तिने मांजरीचा इमोजी वापरून स्वतःचा चेहरा लपवला कारण तिला वाटते की ती आयडीवर तितकी सुंदर दिसत नाही. तिने तिच्या इन्स्टा स्टोरीवर आयडी कार्ड शेअर केले आणि लिहिले: "Yayyy, पण ही चित्रे नेहमीच वाईट का असतात." (सर्व फोटो : Instagram)