Photos : ‘नवा गडी नवं राज्य’ मालिकेतील सोज्वळ ‘आनंदी’चा बोल्ड लूक पाहिलात का?

मराठी चित्रपटसृष्टीतील लोकप्रिय अभिनेत्री पल्लवी पाटीलने ‘नवा गडी नवं राज्य’ मालिकेतून छोट्या पडद्यावर पदार्पण केले. पल्लवीने ‘क्लासमेट्स’, ‘तू तिथे असावे’, ‘सविता दामोदर परांजपे’, ‘ट्रिपल सीट’ या चित्रपटांतून अभिनयाची छाप प्रेक्षकांवर पाडली. आता मालिकेत ‘आनंदी’ ही मुख्य भूमिका साकारून ती प्रेक्षकांचं मनोरंजन करत आहे. ‘नवा गडी नवं राज्य’मध्ये पंजाबी ड्रेसमध्ये दिसणाऱ्या पल्लवीने ग्लॅमरस फोटोशूट केलं आहे. पांढऱ्या रंगाची पॅण्ट, ब्रालेट टॉप आणि जॅकेट परिधान करत खास लूक केला आहे. गळ्यात चोकर आणि ग़डद रंगाची लिपस्टिक लावून पल्लवीने फोटोसाठी पोझही दिल्या आहेत. फोटोग्राफर शशांक साने याने पल्लवीचे ग्लॅमरस अवतारातील फोटो त्याच्या कॅमेऱ्यात टिपले आहेत. पल्लवी सोशल मीडियावर सक्रिय असून तिचा चाहता वर्गही मोठा आहे. तिचे हे ग्लॅमरस अवतारातील फोटो पाहून चाहतेही अवाक झाले आहेत. तिच्या फोटोंवर चाहत्यांनी लाइक्स आणि कमेंट्सचा पाऊस पाडला आहे. (सर्व फोटो : शशांक साने, पल्लवी पाटील/ इन्स्टाग्राम) (हेही पाहा >> Photos : दहावीत तीनदा नापास, तुरुंगवास ते जॅकलिन फर्नांडिसला डेट…’बिग बॉस’मधील साजिद खानबद्दलच्या खास गोष्टी माहीत आहेत का? )