Photos : सोनालीची साडी पाहून चाहत्यांना कमेंट करण्याचा मोह आवरेना, म्हणाले “तुमच्या फॅमिलीत लिंबूवाली…”

मराठी चित्रपटसृष्टीतील ‘अप्सरा’ अशी ओळख असलेली अभिनेत्री सोनाली कुलकर्णीने अल्पावधीतच अभिनयाने प्रेक्षकांच्या मनावर छाप पाडली. सोनाली सौंदर्य आणि तिच्या नखरेल अदांनी चाहत्यांना कायमच भूरळ पाडत असते. नुकतंच सोनालीने साडीत फोटोशूट केलं आहे. फोटोशूटसाठी तिने ‘शुभदा डिझाइन स्टुडिओ’ची लिंबूचे प्रिंट असलेली पिवळ्या रंगाची साडी नेसली आहे. हॉल्टर नेक बॅकलेस ब्लाऊज परिधान करत हटके लूक केला आहे. मोकळ्या केसांनी स्टाइल आणि साजेसा मेकअप करत सोनालीने फोटोसाठी पोझही दिल्या आहेत. सोनालीचे हे फोटो सोशल मीडियावर चर्चेत असून या फोटोंवर चाहत्यांनी लाइक्सचा पाऊस पाडला आहे. काही नेटकऱ्यांना सोनालीची हटके फॅशन पाहून कमेंट करण्याचा मोह आवरता आलेला नाही. एका नेटकऱ्याने तिच्या फोटोवर कमेंट करत “आता लिंबू महाग होणार”, असं म्हटलं आहे. सोनालीच्या ‘पांडू’ चित्रपटातील गाण्यावरूनही एकाने कमेंट केली आहे. ‘केळीवाली’ या गाण्यावरून एका चाहत्याने “तुमच्या फॅमिलीत लिंबूवालीला घेणार का?”, अशी मजेशीर कमेंट केली आहे. सोनालीचा चाहता वर्ग मोठा असून ती सोशल मीडियावरून चाहत्यांच्या संपर्कात राहण्याचा प्रयत्न करते. सध्या सोनाली ‘डान्स महाराष्ट्र डान्स’ शोमध्ये परिक्षकाच्या भूमिकेत आहे. (सर्व फोटो : सोनाली कुलकर्णी/ इन्स्टाग्राम) (हेही पाहा >> Photos : ‘नवा गडी नवं राज्य’ मालिकेतील सोज्वळ ‘आनंदी’चा बोल्ड लूक पाहिलात का? )