‘महाराष्ट्राची हास्यजत्रा’ फेम वनिता खरातने दिली प्रेमाची कबुली, जाणून घ्या तिच्या बॉयफ्रेंडबद्दल…

मराठीसह हिंदी चित्रपटात स्वत:च्या अभिनयाने एक वेगळं स्थान निर्माण करणारी हरहुन्नरी अभिनेत्री म्हणून वनिता खरातकडे पाहिले जाते. 'महाराष्ट्राची हास्यजत्रा' या कार्यक्रमामुळे ती कायमच चर्चेत असते. शाहिद कपूरच्या ‘कबीर सिंग’ चित्रपटामध्ये तिने साकारलेल्या भूमिकेमुळे आजही ती अनेकांच्या लक्षात आहे. रंग, रुप किंवा देहरचनेवर या सर्व मर्यादा तोडत तिने अभिनयाच्या जोरावर एक वेगळी ओळख निर्माण केली आहे. नुकतंच वनिताने सोशल मीडियावर पोस्ट शेअर करत प्रेमाची कबुली दिली आहे. वनिताने तिच्या बॉयफ्रेंडच्या वाढदिवसाचे औचित्य साधत इन्स्टाग्रामवर त्यांचा एक गोड फोटो शेअर केला आहे. या निमित्ताने वनिताने जाहिररित्या प्रेमाबद्दल सांगितले आहे. "कुछ तूने सी है मैंने की हैं रफू….ये डोरियां …….हॅप्पी बर्थडे “साथी ” असे हटके कॅप्शन तिने या फोटोला दिले आहे. त्याबरोबरच #milgayahumkosathimilgaya #partner #love #sumeetvani #specialperson #myman #firstphoto असे अनेक हॅशटॅगही तिने दिले आहे. यामुळे ती चर्चेत आली आहे. सुमित लोंढे असे वनिताच्या बॉयफ्रेंडचे नाव आहे. वनिताचा बॉयफ्रेंड सुमित हा एक व्हिडीओ क्रिएटर आणि ब्लॉगर आहे. त्याला फिरण्याचीही प्रचंड हौस आहे. तो सोशल मीडियावर प्रचंड सक्रीय असतो. तो नेहमी विविध पोस्ट आणि फोटो शेअर करताना दिसतो. त्याने त्याचे फिरण्याचे अनेक फोटो यापूर्वी शेअर केले आहेत. सुमितने याआधी वनिताच्या वाढदिवसानिमित्तही एक खास पोस्ट शेअर केली होती. महाराष्ट्राची हास्यजत्रा या कार्यक्रमातील अनेक मंडळी सुमितला ओळखतात. त्यांचे अनेक फोटोही त्याने शेअर केले आहेत. त्यात त्याने तिला वाढदिवसाच्या शुभेच्छा दिल्या होत्या. महाराष्ट्राची हास्यजत्रा या कार्यक्रमातील अनेक मंडळी सुमितला ओळखतात. त्यांचे अनेक फोटोही त्याने शेअर केले आहेत.