Photos: कैद्यांबरोबर नाचली आणि…; जाणून घ्या तुरुंगात महिनाभर कशी वागली रिया चक्रवर्ती

अभिनेत्री रिया चक्रवर्ती ही तिचा बॉयफ्रेंड अभिनेता सुशांत सिंह राजपूतच्या मृत्यूनंतर खूपच चर्चेत आली. 2020 मध्ये सुशांत सिंह राजपूतच्या मृत्यूनंतर तिला सुमारे 28 दिवस भायखळा तुरुंगात राहावे लागले होते. रिया तुरुंगात असताना तिचे तेथील आयुष्य कसे होते याबद्दल आता अनेक गोष्टी समोर आल्या आहेत. मानवाधिकार वकील आणि कामगार संघटना या क्षेत्रात कार्यरत असलेल्या सुधा भारद्वाज यांनी तुरुंगात रियाचे आयुष्य कसे होते याबद्दल भाष्य केले आहे. रियाची इतर कैद्यांशी चांगली वागणूक होती. त्यांनाही रिया खूप आवडायची. एखाद्या तरुणाला अशा परिस्थितीत टाकल्याने तो खूप अस्वस्थ होतो. पण रियाने धीर सोडला नाही. ती सर्वांशी प्रेमाने वागायची. लहान मुलांबरोबरही तिची छान मैत्री झाली होती. ती तेथून परतत असताना तिच्या खात्यात जे काही पैसे शिल्लक होते, त्यातून सर्वांना मिठाई वाटली. त्यासोबतच तिने कैद्यांबरोबर नाचही केला. सर्व कैदी तिला निरोप देण्यासाठी गेटवर आले होते. सुशांत सिंह राजपूतच्या आत्महत्येनंतर तपासात समोर आलेल्या ड्रग्स प्रकरणात रिया चक्रवर्तीला सप्टेंबर २०२० रोजी अटक करण्यात आली होती. जवळपास १ महिना तुरुंगात राहिल्यानंतर रियाचा जामीन अर्ज मुंबई उच्च न्यायालयाने मान्य केला होता.