Photos : काहींचे वीजबिल ३२ तर काहींचे ४३ लाख; ‘या’ बॉलिवूड स्टार्सच्या बिलांच्या किमतीत येईल नवीन घर

घराचे वीजबिल वाढले की सर्वसामान्यांच्या चिंतेत भर पडते. त्यातच जर हजारो रुपयांमध्ये बिल असेल तर लोकांचं महिन्याचं आर्थिक गणितही बिघडतं. (File Photo) जर तुम्हाला तुमचे वीज बिल खूप जास्त वाटत असेल तर आज आपण बॉलीवूड स्टार्सच्या वीजबिलाची किंमत जाणून घेऊया. बॉलीवूड स्टार्सच्या वीजबिलाची रक्कम वाचल्यावर तुम्हालाही धक्का बसेल. (Pixabay) या यादीत बॉलिवूड स्टार आमिर खानच्या नावाचाही समावेश आहे. आमिर खान मुंबईत एका अपार्टमेंटमध्ये राहतो. मीडिया रिपोर्ट्सनुसार, या घराचे बिल दर महिन्याला ९-११ लाख रुपये इतके येते. बॉलीवूड अभिनेत्री दीपिका पदुकोणदेखील तिच्या घराच्या वीजबिलासाठी मोठी रक्कम भरते. मीडिया रिपोर्ट्सनुसार, त्याच्या ४बीएचके अपार्टमेंटचे वीज बिल १३ ते १५ लाख लाख रुपये इतके येते. बॉलिवूडचा सुपरस्टार सलमान खान चित्रपटांव्यतिरिक्त त्याच्या वैयक्तिक आयुष्यामुळे देखील चर्चेत असतो. मीडिया रिपोर्ट्सनुसार, सलमान खानच्या गॅलेक्सी अपार्टमेंटचे वीज बिल सुमारे २० ते २५ लाख रुपये इतके येते. कतरिना कैफ पती विकी कौशलसोबत ४बीएचके अपार्टमेंटमध्ये राहते. रिपोर्ट्सनुसार, या अपार्टमेंटचे वीज बिल ८ ते १० लाख रुपये इतके येते. बॉलिवूड अभिनेत्री करीना कपूर आणि अभिनेता सैफ अली खान मुंबईत एका आलिशान बंगल्यात राहतात. मीडिया रिपोर्ट्सनुसार, या घराचे वीज बिल ३० ते ३२ लाख रुपये येते. बॉलिवूडचा किंग खान शाहरुख खानप्रमाणेच त्याच्या 'मन्नत' या बंगल्याचीही तितकीच क्रेझ आहे. मीडिया रिपोर्ट्सनुसार, या घराचे एका महिन्याचे वीज बिल ४३ लाख रुपयांपर्यंत आले आहे. (सर्व फोटो : इन्स्टाग्राम)