Photos: फक्त सलमान खानच नव्हे तर ‘या’ बॉलिवूड कलाकारांनीही केलं ‘बिग बॉस’चं सूत्रसंचालन, पण भाईजानच ठरला सरस

टीव्ही जगतात ज्या कार्यक्रमाची हवा आहे तो कार्यक्रम म्हणजे बिग बॉस, या कार्यक्रमाची सुरवात २००६ साली सोनी वाहिनीवर झाली. पहिल्या सीजनचा सूत्रसंचालक होता आपला सर्किट म्हणजे अर्शद वारसी. ३ नोव्हेंबर २००३ साली या कार्यक्रमाला सुरवात झाली होती. या कार्यक्रमाच्या पहिल्या सीजनच्या यशानंतर दुसरा सीजन सुरु झाला मात्र यावेळी सूत्रसंचालक बदलला, बॉलिवूडची फिट अभिनेत्री शिल्पा शेट्टीने सूत्रसंचालन केले होते. शिल्पाने याआधी अनेक चित्रपटात काम केले होते. तिने इंग्रजी 'बिग ब्रदर' या कार्यक्रमात सहभाग घेतला होता. 'कौन बनेगा करोडपती' या कार्यक्रमातून पहिल्यांदाच बच्चनजी सूत्रसंचालकाच्या भूमिकेत दिसले होते. त्यांनीदेखील बिग बॉसच्या तिसऱ्या सीजनचे सूत्रसंचालन केले होते. बॉलिवूडचा दबंग अभिनेता चित्रपटातून आपल्या स्टाईलने सर्वांना आकर्षित करतो मात्र चौथ्या सीजनमधून तो पहिल्यांदा सूत्रसंचालन करताना दिसून आला. सध्या सुरु असलेल्या सीजनमध्येदेखील तोच आहे. पाचव्या सीजनमध्ये बॉलिवूडचे बाबा आणि भाई एकत्र दिसले अर्थात संजय दत्त, सलमान खा या दोघांनी मिळून या कार्यक्रमात सूत्रसंचालन केले होते. बिग बॉस हल्ला बोल असा एक सीजन होऊन गेला, दिग्दर्शक फराह खानने सूत्रसंचालन केले होते या सीजनला सर्वात कमी टीआरपी मिळाला होता. या सीजननंतर बिग बॉसच्या होस्टची सूत्र सलमान खानकडे आली जी आजतागायत आहेत. सध्या सलमानला डेंग्यूची लागण झाल्याने या आठवड्यात सूत्रसंचालकम्हणून करण जोहर दिसणार आहे. सलमान खानने सूत्रसंचालन करणे आज प्रेक्षकांना आवडत आहे. यातून सलमान खानची वेगळी बाजू बघायला मिळत आहे. वेळोवेळी स्पर्धकांना सुनावणे, एखादा स्पर्धक जर अति आत्मविश्वासू असेल तर सलमान त्याला बरोबर हाताळतो. फोटो सौजन्य : इंडियन एक्सप्रेस