Halloween 2022: जान्हवी कपूर, सारा अली खान ते अनन्या पांडे, ‘या’ स्टारकिड्सनी अशी साजरी केली यंदाची हॅलोविन नाईट

सारा अली खान, जान्हवी कपूर, शनाया कपूर, अनन्या पांडे यांच्यासह बरेचसे स्टारकिड्स ओरहान अवत्रामणी आयोजित हॅलोविन पार्टी साजरी करण्यासाठी एकत्र जमले होते. तेव्हा जान्हवी 'अॅडम्स फॅमिली' या चित्रपटामधील 'मोर्टिसिया अॅडम्स' बनून आली होती. या पार्टीमधले फोटो तिने सोशल मीडियावर पोस्ट केले आहेत. अनन्या पांडे या निमित्ताने 'कभी खुशी कभी गम' चित्रपटातील 'पू' (पूजा शर्मा) या पात्रासारखी तयार झाली होती. सारा, जान्हवी आणि अनन्या यांचा फोटो. काल अनन्याचा २४ वा वाढदिवस होता. तेव्हा साराने त्यांचा हा फोटो इन्स्टाग्राम स्टोरीवर शेअर केला होता. या पार्टीला सारासह तिच्या भावाने, इब्राहिम अली खानने सुद्धा हजेरी लावली होती. शनाया कपूरने 'प्रिन्सेस डायरीज'मधील अॅना हॅथवेचा वेश धारण केला होता. या शानदार पार्टीमधील फोटो आणि व्हिडीओ सध्या खूप व्हायरल झाले आहेत. सारा आणि स्टायलिस्ट तान्या घावरीचा फोटो. तान्याने हॅलोविन पार्टीसाठी नॅटली पोर्टमनच्या 'ब्लॅक स्वान' चित्रपटातला लूक केला होता. तिने सुद्धा पार्टीमधले फोटो इन्स्टाग्रामवर शेअर केले आहेत. (सर्व फोटो संबंधित कलाकारांच्या इन्स्टाग्रामवरुन सभार)