फारसे चित्रपट न करताही ऐश्वर्या दरवर्षी कमावते भरपूर पैसे; तिच्या संपत्तीचा आकडा वाचून व्हाल थक्क

आज ऐश्वर्या राय-बच्चनचा ४९ वा वाढदिवस आहे. जगभरातल्या चाहत्यांनी तिला वाढदिवसाच्या शुभेच्छा दिल्या आहेत. तिने मॉडेलिंग करुन करिअरची सुरुवात केली होती. 'इरुवर' चित्रपटाद्वारे तिने सिनेसृष्टीमध्ये पदार्पण केले होते. 'और प्यार हो गया' या चित्रपटाने तिने बॉलिवूडमध्ये एन्ट्री केली होती. पण 'हम दिल दे चुके सनम' या चित्रपटाने तिला प्रसिद्धी मिळाली. संजय लीला भन्साळी यांच्या या चित्रपटाने बॉक्स ऑफिसवर चांगली कमाई केली होती. काही दिवसांपूर्वी तिचा 'पोन्नियिन सेल्वन भाग १' हा चित्रपट प्रदर्शित झाला. या चित्रपटामध्ये तिने नंदिनी ही व्यक्तिरेखा साकारली होती. गेल्या काही वर्षांपासून ती सिनेसृष्टीपासून लांब होती. मीडिया रिपोर्ट्सनुसार, ऐश्वर्या ७७५ कोटी रुपयांची मालकिण आहे. चित्रपट, सीरिज न करताही तिची इतकी संपत्ती कशी असा प्रश्न पडू शकतो. एका चित्रपटासाठी ती १० ते १२ कोटी रुपयांचे मानधन घेते. ब्रँड इंडोर्समेंट्सद्वारे ऐश्वर्या वर्षाला तब्बल ८०-९० कोटी रुपये कमावते. जाहिरातींमध्ये काम करण्याचे ती ७-८ कोटी रुपये इतके मानधन आकारते. ऐश्वर्या ‘अॅम्बी’ नावाच्या कंपनीत गुंतवणूकदार आहे. २००७ मध्ये तिने अभिषेक बच्चनशी लग्न केले. त्यांच्या मुलीचे नाव आराध्या आहे. अभिषेक आणि ऐश्वर्या यांनी मिळून वेगवेगळ्या ठिकाणची प्रॉपर्टी विकत घेतली आहे. दुबईच्या ‘जुमेराह गोल्फ एस्टेट्स’मध्ये त्यांचा मोठा बंगला देखील आहे. बांद्रा-कुर्ला कॉम्प्लेक्समध्ये त्यांचा २१ कोटी रुपयांचा फ्लॉट आहे. तिच्या मालकीच्या रोल्स रॉयल्स घोस्ट, मर्सिडीज बेंज एस 350 डी कूप अशा महागड्या गाड्या प्रतिक्षा या बंगल्यामध्ये आहेत.