गौतमी पाटीलच्या एका शोचं मानधन ऐकून व्हाल थक्क; खऱ्या आयुष्याबद्दल गौतमी म्हणते, “मी खूप..”

Gautami Patil Lavani Viral Video: लावणीच्या नावावर अश्लील डान्स केल्यामुळे रिल्स स्टार गौतमी पाटील हे नाव चर्चेत आले होते. पुण्यातील लोणी काळभोर येथील दहीहंडी दरम्यान गौतमीच्या पांढऱ्या साडीचे व्हिडीओ प्रचंड व्हायरल झाले होते. गौतमी पाटीलने लावणी करताना विभत्स हावभाव व अंगप्रदर्शन करणारे कपडे घातल्याने अनेक लावणी कलाकारांनी संताप व्यक्त केला होता. लावणी सम्राज्ञी सुरेखा पुणेकर यांनीही अशा तरुणी महाराष्ट्राची कला अश्लीलतेकडे घेऊन जात आहेत अशा शब्दात गौतमीचा विरोध केला होता. लावणी कलाकार मेघा घाडगे यांनी समज दिल्यावर गौतमीने सर्वांसमोर माफी मागितली होती. असं असूनही गौतमीचे अनेक अश्लील डान्सचे व्हिडीओ व्हायरल होतच आहेत अलीकडेच गौतमी पाटीलच्या लावणी कार्यक्रमात चेंगराचेंगरी होऊन एकाचा संशयास्पद मृत्यू झाल्याचे वृत्त समोर आले होते गौतमी पाटीलने एका पत्रकार परिषदेत स्वतःविषयी पहिल्यांदाच खाजगी माहिती उघडपणे सांगितली आहे. गौतमी मूळची धुळ्याची सिंदखेडा येथील आहे. १० वी पर्यंत शिक्षण घेऊन तिने आवड म्हणून डान्स शिकायला सुरुवात केली. गौतमीने पहिल्यांदा अकलूज येथील लावणी महोत्सवात बॅक आर्टिस्ट म्हणून गौतमीने सादरीकरण केले. पहिल्यांदा लावणी केल्यावर गौतमीला ५०० रुपये मानधन मिळाले होते आता आपण शो साठी हजारो रुपयांचे मानधन घेत असल्याचे गौतमीने सांगितले आहे. (सर्व फोटो: इंस्टाग्राम)