तीन अफेअर, दोन लग्नं करूनही ६८ वर्षांचे कमल हासन आजही सिंगल; जाणून घ्या त्यांच्या लव्हलाईफबद्दल

केवळ दाक्षिणात्य चित्रपटसृष्टीच नव्हे तर संपूर्ण भारतातील मनोरंजनक्षेत्रावर राज्य करणारे कमल हासन हे आज त्याच्या ६८ वा वाढदिवस साजरा करत आहेत. साऊथचे सुपरस्टार असूनही कमल यांचा हिंदी चित्रपटसृष्टीतही चांगलाच दबदबा आहे. केवळ अभिनेता म्हणून नव्हे तर कमल एक उत्तम दिग्दर्शक, लेखक, निर्माता आणि पार्श्वगायक म्हणूनही ओळखले जातात. याचवर्षी कमल हासन यांचा 'विक्रम' हा चित्रपट प्रदर्शित झाला आणि लोकांनी तो प्रचंड डोक्यावर घेतला. अभिनय आणि इतर गोष्टींबरोबर कमल यांच्या खासगी आयुष्यातील नातेसंबंधाविषयीसुद्धा बरीच चर्चा झाली आहे. कमल यांनी २ लग्नं केली तर ३ अभिनेत्रींबरोबर त्यांचं नाव जोडलं गेलं तरी ते आज सिंगल आहेत. त्यांच्या या लव्ह लाईफबद्दलच आपण जाणून घेऊयात. ७० च्या दशकात कमल यांचं नाव त्यांच्या 'रागांगल' चित्रपटातील अभिनेत्री श्रीविद्याशी जोडलं गेलं. पण त्यांचं नातं फार काळ टिकू शकलं नाही. १९७८ मध्ये कमल यांनी अभिनेत्री वाणी गणपथी हिच्याशी लग्नं केलं, पण १० वर्षांच्या संसारानंतर दोघांनी वेगळं व्हायचा निर्णय घेतला. दरम्यान कमल हासन यांच्या आयुष्यात अभिनेत्री सारिकाची एंट्री झाली. या दोघांच्या प्रेमप्रकरणाच्या चर्चासुद्धा चांगल्याच रंगल्या. या दोघांच्या लग्नाआधीच त्यांची मुलगी श्रुती हासनचा जन्म झाल्याचंही म्हंटलं जातं. लग्नानंतर अक्षरा हासन हिचा जन्म झाला. कमल आणि सारिका हे दोघेही २००४ साली वेगळे झाले. याबरोबरच कमल हासन यांच्या अफेअरचीदेखील भरपूर चर्चा झाली. कमल यांचं त्यांच्या वयापेक्षा २२ वर्षं लहान अभिनेत्री सिमरन बग्गा हिच्याशी नाव जोडलं गेलं. यांनंतर कमल हासन आणि अभिनेत्री गौतमी यांच्या अफेअरच्या चर्चाही चांगल्याच रंगल्या. बरीच वर्षं ते दोघे लीव्ह इन रिलेशनशीपमध्ये राहत होते, पण २०१६ साली दोघे वेगळे झाले. (फोटो सौजन्य : इंडियन एक्सप्रेस)