Photos: रणवीर सिंगने घेतली एबी डिव्हिलियर्सची भेट, सोशल मीडियावर फोटो व्हायरल

अभिनेता रणवीर सिंग क्रिकेटचा मोठा चाहता आहे. त्याने '८३' या चित्रपटामध्ये माजी क्रिकेटपटू कपिल देव यांची व्यक्तिरेखा साकारली होती. नुकतीच त्याने दक्षिण अफ्रिकेचा क्रिकेटपटू एबी डिव्हिलियर्स यांची भेट घेतली. रणवीर सोशल मीडियावर फार सक्रिय आहे. या भेटीदरम्यानचे फोटो त्याने इन्स्टाग्रामवर पोस्ट केले आहेत. रणवीर आणि एबी डिव्हिलियर्सचे हे फोटो सोशल मीडियावर व्हायरल झाले आहेत. पोस्ट केलेल्या फोटोंमध्ये ते दोघे गप्पा मारत असल्याचे दिसते. या फोटोंना त्याने "आजची दुपार मस्त होती. मिस्टर ३६० सारख्या दिग्गज खेळाडूसह क्रिकेटवर गप्पा मारल्या",असे कॅप्शन दिले आहे. त्यांचे हे फोटो चाहत्यांच्या पसंतीस पडले आहेत. त्यांनी या फोटोंखाली कमेंट करत प्रतिक्रिया दिल्या आहेत. मागच्या वर्षी एबी डिव्हिलियर्सने क्रिकेटमधून संन्यास घेतला. (सर्व फोटो - Ranveer singh instagram)