Inside Photos : राज कपूर यांचा फोटो, ८ नंबरची जर्सी अन् बरंच काही…, आलिया-रणबीरच्या घराचे खास फोटो पाहिलेत का?

अभिनेता रणबीर कपूर आणि आलिया भट्ट हे दोघेही गेल्या काही दिवसांपासून सातत्याने चर्चेत आहेत. त्या दोघांचा प्रचंड मोठा चाहता वर्ग आहे. रणबीर आणि आलिया यांनी काही दिवसांपूर्वीच त्यांच्या पहिल्या बाळाचे स्वागत केले. सध्या कपूर कुटुंबात आलेल्या छोट्या परीसाठी घरात विशेष तयारी केली जात आहे. आलिया आणि रणबीर हे दोघेही मुंबईतील 'वास्तू' या बंगल्यात राहतात. कपूर कुटुंबासाठी हा बंगला फारच खास आहे. त्यांच्या अनेक आठवणी याबरोबर जोडल्या गेल्या आहेत. नुकतंच या बंगल्याच्या इंटिरिअरचे काही फाटो समोर आले आहेत. आलिया आणि रणबीरच्या वास्तू हा बंगला फारच सुंदर पद्धतीने डिझाईन करण्यात आला आहे. या बंगल्यात मोठमोठ्या खिडक्या पाहायला मिळत असून त्यातून नैसर्गिक सूर्यप्रकाश सहजच घरात येत आहेत. त्याबरोबरच या घराचे इंटिरिअर हे काळा आणि पांढरा रंगाचा वापर करुन करण्यात आले आहे. रणबीरच्या घरी त्याचे आजोबा आणि दिवंगत अभिनेते-दिग्दर्शक राज कपूर यांचा ब्लॅक अँड व्हाईट कोलाज फोटोही लावण्यात आला आहे. तसेच रणबीरच्या आवडता अंक असणाऱ्या ८ क्रमांकाची जर्सीही एका भिंतीवर पाहायला मिळत आहे. तसेच वर्षानुवर्षे जिंकलेले पुरस्कार देखील एका कपाटात एकत्र ठेवल्याचे पाहायला मिळत आहेत. त्याबरोबरच घरात काही ठिकाणी सुशोभित झाडेही ठेवण्यात आली आहेत. यामुळे घराची शोभा वाढत आहे. तसेच या घरातील हॉलही प्रचंड मोठा असून त्या ठिकाणी सोफाही पाहायला मिळत आहे. रणबीर आलियाचा विवाहसोहळा याच ठिकाणी पार पडला होता. दरम्यान रणबीर आणि आलिया यांनी काही दिवसांपूर्वी त्यांचा मुंबईतील कृष्णाराज बंगल्याची डागडुजीही केली होती. त्यांच्या लग्नाचे अनेक फोटोही समोर आले होते. त्यानंतर काही दिवसांपूर्वी आलियाने एका मुलीला जन्म दिला आहे. त्यामुळे कपूर कुटुंबात आनंदाचे वातावरण पाहायला मिळत आहे. (फोटो - Bolly Blinds N Gossip)