Photos: ‘अशी’ असेल ‘दृश्यम २’ची कथा, जाणून घ्या चित्रपटाबद्दलची गुपितं

अभिनेता अजय देवगणची प्रमुख भूमिका असलेल्या आगामी 'दृश्यम २' या चित्रपटाची प्रचंड चर्चा आहे. गोव्यामधील एका छोट्या गावामध्ये राहणाऱ्या विजय साळगावकरची गोष्ट या चित्रपटामध्ये दाखवण्यात आली होती. आता चित्रपटाच्या पहिल्या भागाची कथा सिक्वेलमध्ये पुढे नेण्यात येणार आहे. सात वर्षानंतरही पोलीस आय.जी. मिरा देशमुखच्या मुलाचा म्हणजेच सॅमचा शोध घेत असल्याचे दिसून येणार आहे. या प्रकरणावरून अनेकदा विजय साळगावकर पोलिस चौकशीला सामोरा गेलेला या चित्रपटात दिसणार आहे. विशेष म्हणजे या चित्रपटात छोट्या पडद्यावरील एसीपी प्रद्युमन यांच्या सीआयडी टीमचीही एंट्री होणार आहे. या पोलिसांपासून विजय त्याच्या कुटुंबाला वाचवण्यासाठी प्रयत्न करताना दिसणार आहे. असे अनेक चढ उतार या चित्रपटात पहायला मिळतील. 'दृश्यम २' हा चित्रपट ५० कोटी बजेटमध्ये बनवला गेला असून या चित्रपटाच्या ट्रेलरला मिळालेला प्रतिसाद पाहता हा चित्रपट पहिल्याच दिवशी १० ते १५ कोटींची कमाई करेल अशी निर्मात्यांना खात्री वाटते. हा चित्रपट १८ नोव्हेंबर रोजी प्रदर्शित होणार आहे.