Photos: लगीन घटिका समीप आली…देवधर आणि जोशी कुटुंबियांची ‘अशी’ सुरू आहे लगीन घाई

‘तुझ्यात जीव रंगला’ या लोकप्रिय मालिकेमधली राणादा व पाठक बाई म्हणजेच हार्दिक जोशी व अक्षया देवधर ही जोडी आता लवकरच विवाहबंधनात अडकणार आहे. आता दोघांच्याही घरी लगीन घाई सुरू झाली आहे. काही दिवसांपूर्वीच त्यांच्या लग्नाच्या केळवणांना सुरुवात झाली होती. तसंच अक्षयाची लग्नातली खास साडी विणायचा शुभारंभही मध्यंतरी पार पडला. हार्दिकनेही अक्षयाच्या या खास साडीसाठी धागे विणले. यावेळी अक्षया आणि हार्दिकच्या कुटुंबियांप्रमाणेच त्यांचे मित्र मंडळीही हजर होते. त्यानंतर या दोघांच्या लग्नाच्या आमंत्रणालाही सुरुवात झाली आहे. या दोघांची लग्नपत्रिका सोशल मिडीयावर तूफान व्हायरल झाली. आता अक्षया आणि हार्दिक यांचा जिवलग मित्र अभिनेता अमोल नाईक याने त्यांची लगीन घाई कशी सुरू आहे हे शेअर केलं आहे. अमोलबरोबर अक्षयाची बहीण आणि तिचा नवरा दिसत आहेत. तर या फोटोत अमोलबरोबरलग्नासाठी आतुर असलेले देवधर कुटुंबिय दिसत आहेत. दोघांच्याही घरी लग्नाची जोरदार तयारी सुरू असल्याचं यावरून स्पष्ट होत आहे. आता ही दोघं कधी मिस्टर अँड मिसेस जोशी होणार याची सर्वांना उत्सुकता लागली आहे.