Kartik Aaryan Net Worth: कोट्यवधीच्या संपत्तीचा मालक आहे कार्तिक आर्यन; BMWसह अनेक महागड्या गाड्यांचं कलेक्शन

अभिनेता कार्तिक आर्यन आज त्याचा ३२वा वाढदिवस साजरा करतोय. कार्तिकने आई-वडिलांबरोबर वाढदिवस साजरा केला. कार्तिकला इंडस्ट्रीमध्ये आता १० वर्ष पूर्ण झाली आहेत. त्याने वयाच्या २१व्या वर्षी 'प्यार का पंचनामा' चित्रपटातून बॉलिवूडमध्ये पदार्पण केलं होतं. आर्यन एकेकाळी वर्सोवामध्ये ज्या घरात भाड्याने राहायचा, तेच घर नंतर त्याने खरेदी केलं. तो आई-वडिलांसह त्या घरात राहतो. कार्तिकजवळ अनेक महागड्या गाड्या आणि घरं आहेत. कार्तिकजवळ बीएमडब्ल्यू 5 सीरीज आहे, त्या कारची किंमत सुमारे ५५ लाख रुपये आहे. याशिवाय, त्याच्याकडे लॅम्बोर्गिनी उरूस देखील आहे. तसेच कार्तिकजवळ रॉयल एनफिल्ड क्लासिकदेखील आहे. कार्तिक आर्यनकडे एक मिनी कूपर देखील आहे, ती त्याच्या आईने त्याला भेट म्हणून दिली होती. याशिवाय कार्तिकने नुकतीच मॅक्लारेन जीटी ही नवीन कार खरेदी केली आहे, त्या कारची किंमत सुमारे ४.७ कोटी आहे. रिपोर्ट्सनुसार, बॉलिवूडमध्ये ही कार फक्त कार्तिककडे आहे. मीडिया रिपोर्ट्सनुसार, कार्तिक आर्यन आधी त्याच्या चित्रपटांसाठी सुमारे ५ ते ७ कोटी रुपये घेत होता. पण भूल भुलैया २ च्या यशानंतर अभिनेत्याने आपली फी वाढवली आहे आणि आता तो एका चित्रपटासाठी १० कोटी रुपये घेतो. caknowledge वेबसाइटच्या अहवालानुसार, कार्तिक आर्यनची एकूण संपत्ती सुमारे 5 मिलियन म्हणजेच भारतीय रुपयांमध्ये ३६ कोटी आहे. कार्तिकची वार्षिक कमाई ६ कोटींच्या आसपास आहे. कार्तिक लवकरच फ्रेडी चित्रपटाच्या माध्यमातून प्रेक्षकांच्या भेटीला येणार आहे. आज त्याच्या वाढदिवसाच्या दिवशीच Shehzada चित्रपटाचा टीझर प्रदर्शित करण्यात आला आहे. (सर्व फोटो - कार्तिक आर्यनच्या फेसबूकवरून साभार)