“ए शेवंते…” घरात येताच राखी सावंतची अपूर्वा नेमळेकरला हाक, विकास सावंतचीही घेतली शाळा

छोट्या पडद्यावरील बिग बॉस मराठी हा कार्यक्रम कायमच चर्चेत असतो. ‘बिग बॉस मराठी’चं चौथं पर्व रंजक दिवसेंदिवस होत चाललं आहे. पहिल्या दिवसापासूनच बिग बॉसने सदस्यांना आश्चर्याचे धक्के द्यायला सुरुवात केली आहे. आता ‘बिग बॉस’ने संपूर्ण महाराष्ट्राच्या तमाम जनतेला एक मोठे सरप्राईज दिले आहे. बिग बॉसच्या घरात चार नवीन सदस्यांची घरात वाइल्ड कार्ड एन्ट्री झाली आहे. बिग बॉसच्या घरात विशाल निकम, आरोह वेलणकर, मीरा जगन्नाथ आणि राखी सावंत या चौघांची दमदार एन्ट्री झाली आहे. अभिनेता विशाल निकम हा बिग बॉस मराठी तिसऱ्या पर्वाचे विजेता आहे. तर अभिनेता आरोह वेलणकरने हा बिग बॉसच्या दुसऱ्या पर्वातील सदस्य आहे. त्याबरोबरच 'बिग बॉस मराठी ३' शोमुळे घराघरात पोहोचली लोकप्रिय अभिनेत्री मीरा जगन्नाथने पुन्हा एकदा घरात एंट्री घेतली आहे. बिग बॉस मराठीच्या पहिल्या पर्वापासूनच एका नावाची सातत्याने चर्चा होती ती म्हणजे एंटरटेनमेंट क्वीन राखी सावंत. राखी सावंत बिग बॉस मराठीच्या घरात कधी जाणार? असा प्रश्न सातत्याने समोर येत होता. अखेर बिग बॉस मराठीच्या चौथ्या भागात राखी सावंतची एन्ट्री झाली आहे. राखीची एन्ट्री होताच तिने अपूर्वा नेमळेकरसह विकास सावंतचीही शाळा घेतली. राखीने घरात पाऊल ठेवताच तिने अपूर्वाला 'ऐ शेवंते...' म्हणत तिला आवाज दिला आणि अपूर्वाला हसू फुटले. "या सर्वांची आई आहे मी, बिग बॉसची पहिली बायको... अंड्याची भुर्जी आणि राखी सावंतची मर्जी इथे चालणार...", असे अस्लखित मराठीत राखी सावंत म्हणाली. आता राखीबरोबरच विशाल, मीरा आणि आरोह घरात आल्यानंतर खेळ कसा बदलणार ? त्यांना काय स्पेशल पॉवर मिळणार ? घरातील नाती किती बदलणार ? हे बघणे उत्सुकतेचे असणार आहे.