Photos: “आईमुळेच मी व्यसनाधीन होऊन स्वतःच्या आयुष्याची वाट लावली होती…”; प्रतीक बब्बरची स्मिता पाटील यांच्याबद्दल मोठी विधाने

अभिनेता प्रतीक बब्बर याचा आज वाढदिवस. दिवंगत अभिनेत्री स्मिता पाटील यांचा तो मुलगा आहे. प्रतीकच्या जन्मानंतर काहीच दिवसात स्मिता पाटील यांचं निधन झालं. प्रतीकला कायमच आईची कमतरता जाणवत आली आहे. काही वर्षांपूर्वी प्रतीकने व्यसनांच्या आहारी जाऊन स्वतःचं करिअर जवळपास संपवलं होतं. त्याच्या या वागणुकीला त्याची आई (स्मिता पाटील) यांना तो जबाबदार धरायचा. नुकतंच त्याने एका मुलाखतीत सांगितलं, "मला खूप राग येतो. त्या रागामुळेच माझं करिअर संपलं होतं. त्या रागामुळे मी माझ्या आयुष्याचीही वाट लावली होती." “मी माझ्या रागामुळे खूप काही सहन केलं आहे. मला सर्वात जास्त राग जेव्हा यायचा तेव्हा वाटायचं माझ्याजवळ मला मार्गदर्शन करायला, मी कुठे चुकतो हे सांगायला माझी आई का नाहीये?" "मी आकाशाकडे एकटक बघत म्हणायचो, मी असा आहे कारण तू माझ्यासोबत नव्हतीस. तुझ्यामुळे मी स्वतःची ही अवस्था करुन घेतली." "मी स्वतःलाच म्हणायचो की मी चुकीचा वागतो कारण माझी आई माझ्याबरोबर नाहीये." "पण माझे आजी-आजोबा मला सोडून गेल्यापासून मी आपल्या मातीत, आपल्या लोकांशी हळूहळू जोडला गेलो.” “प्रत्येक अभिनेत्याचं स्वप्न असतं एक उत्तम अभिनेता बनून सुपरहिट चित्रपट द्यावेत, पैसे कमवावेत आणि नाव कमवावं." "पण मला माझ्या आईकडून मिळालेला वारसा पुढे न्यायचा आहे. स्मिता पाटील यांचा मी मुलगा आहे या गोष्टीला मला न्याय द्यायचा आहे." (सर्व फोटो सौजन्य : प्रतीक बब्बर, इन्स्टाग्राम)