“अभिनेता असल्यामुळे माझ्या लग्नाची…”; नील भट्टने लग्नातील फोटो शेअर करत पत्नीला दिल्या शुभेच्छा

अभिनेत्री ऐश्वर्या शर्मा आणि अभिनेता नील भट्ट यांच्या लग्नाचा आज पहिला वाढदिवस आहे. नीलने लग्नातील खास फोटो शेअर करत ऐश्वर्याला शुभेच्छा दिल्या. ऐश्वर्यानेही नीलला शुभेच्छा दिल्या आहेत. ऐश्वर्या आणि नीलने गुजराती पद्धतीने लग्न केलं होतं. त्यांचा विवाहसोहळा खूप साध्या पद्धतीने पार पडला होता. नील आणि ऐश्वर्याने लव्ह मॅरेज केलं होतं. दोघांचं लग्न झालं तेव्हा ते 'गुम है किसी के प्यार मे' या मालिकेत मुख्य भूमिका साकारत होते. मालिकेचं शुटिंग करतानाच दोघेही प्रेमात पडले होते. "मला एखाद्या अभिनेत्यासारखं नाही, तर सामान्य माणसासारखं लग्न करायचं होतं. कारण माझा लग्नावर विश्वास आहे," असं नील म्हणाला होता. करोना काळात मी आणि ऐश्वर्याने बराच वेळ एकत्र घालवला, त्यामुळे लग्नानंतर आयुष्यात फार बदल झाला नाही, असंही नीलने सांगितलं होतं. ऐश्वर्या बऱ्याचदा नीलच्या घरी राहायची, त्यामुळे तिचं कुटुंबींयाशी छान बाँडिगं झालं होतं, असं नील म्हणाला होता. अभिनेता असल्यामुळे मी माझ्या लग्नाची बातमी लपवावी, असं मला कधीच वाटलं नाही, असंही नील म्हणाला. 'गुम है किसी के प्यार मे' ही छोट्या पडद्यावरील लोकप्रिय मालिका आहे. ही मालिका टीआरपीमध्ये टॉपवर असून ऐश्वर्या आणि नीलला प्रेक्षक खूप पसंत करतात. (फोटो - नील भट्टच्या फेसबुकवरून साभार)