“भरपूर पैसा, लव्ह लाईफ अन्…”; अक्षय केळकरने वर्तवले राखी सावंतचे भविष्य

‘बिग बॉस मराठी’चं चौथं पर्व प्रेक्षकांच्या पसंतीस उतरत आहे. पहिल्या दिवसापासूनच घरातील सदस्यांसह प्रेक्षकांनाही आश्चर्याचे धक्के मिळत आहेत. सध्या अभिनेता अक्षय केळकर हा बिग बॉसमुळे प्रसिद्धीझोतात आला आहे. मराठी टीव्ही मालिकांमधून प्रेक्षकांच्या घराघरात पोहोचलेला अभिनेता म्हणून त्याला ओळखले जाते. सध्या अक्षय हा बिग बॉसच्या घरात चांगलाच चर्चेत आहे. नुकतंच त्याने अभिनेत्री राखी सावंतचा हात पाहून भविष्य सांगितले आहे. त्यावेळी तो म्हणाला, "राखी तुझी आणि माझी हातावरील एक रेषा समान आहे. त्यामुळे आपलं आयुष्य कमाल आहे." "तुझे आरोग्य फारच चांगले आहे", असेही त्याने यावेळी म्हटले. "तुझ्याकडे भरपूर मालमत्ता आहे. तसेच तू ज्या काही गुंतवणूक केल्या आहेस त्या प्रचंड आहेत. त्यामुळे तुला पैशांची कमतरता जाणवणार नाही." "तसेच आता कुठे तुझं लव्ह लाईफ बरं चाललं आहे." त्यानंतर त्याने त्याव्यतिरिक्त परफ्युम वैगरे असं काही आहे का? असे तिला विचारले. त्यावर राखीने 'मला अशी ऑफर आली आहे', असा खुलासा केला. 'राखी परफ्यूम असे मी त्याचे नाव ठेवणार आहे.' त्यावर अक्षयने राखीला अजून काही तरी वेगळ्या नावाचा विचार कर, असा सल्ला दिला. "पण हा बिझनेस चांगला चालेल. रादिल परफ्यूम असं नाव ठेवं. ते जास्त चांगलं वाटेल." "तुझ्या हाताला एक वेगळा सुगंध आहे." "जसं तू त्यादिवशी बिर्याणी केली होती. तेव्हा त्याला छान चव आली." त्यावर अक्षय हा तिला बघ तूच एकदा हाताचा सुगंध घेऊन बघ असे सांगतो. ती नाकाजवळ हात घेताना अक्षय मस्करीत तिच्या नाकावर मारतो आणि हा प्रँक असल्याचे सांगतो आणखी वाचा : शिवसेनेचा पदाधिकारी, ८ वर्षांचे रिलेशन आणि घटस्फोट, जाणून घ्या अपूर्वा नेमळेकरच्या पूर्वाश्रमीच्या पतीबद्दल…