Photos: आईच्या कडेवर बसलेली गोंडस मुलगी, जिनिलीया देशमुखच्या बालपणीचे फोटो पाहिलेत का?

अभिनेत्री जिनिलीया देशमुख ही सध्या तिच्या आगामी ‘वेड’ या चित्रपटामुळे चर्चेत आहे. वेड या चित्रपटाद्वारे जिनिलीया देशमुख ही तब्बल १० वर्षांनी सिनेसृष्टीत पुनरगमन करत आहे. तर पहिल्यांदाच ती मराठी चित्रपटात प्रमुख भूमिकेत झळकणार आहे. ती सोशल मीडियावर विविध फोटो आणि व्हिडीओ शेअर करत चाहत्यांच्या संपर्कात राहण्याचा प्रयत्न करत असते. अशातच तिने नुकतेच तिच्या बालपणीचे काही फोटो सोशल मीडियावर शेअर केले आहेत. ते फोटो पाहिल्यावर ती जिनिलीया आहे हे अजिबात ओळखू येत नाहीये. यातील पहिल्या फोटोत जिनिलीया तिच्या आईच्या कडेवर बसली आहे आणि कॅमेऱ्याकडे पाहत आहे. तर दुसऱ्या फोटोमध्ये ती अगदीच लहान असून तिच्या डोक्याला टोपरं बांधलेलं दिसत आहे. तिचे हे फोटो सोशल मीडियावर तुफान व्हायरल होत आहेत.